काठमाडौँ– नेपाली कम्युनिस्ट पार्टी (नेकपा)का नेता एवं पूर्वसभामुख कृष्णबहादुर महराविरुद्ध भ्रष्टाचार मुद्दा दायर गरिएको छ ।
विद्युतीय चुरोट (भेप)मा लुकाएर सुन तस्करी गरेको अभियोगमा अख्तियार दुरुपयोग अनुसन्धान आयोगले महराविरुद्ध विशेष अदालतमा मुद्दा दर्ता गरेकाे हाे ।
अख्तियारको अनुसन्धानले देखाएअनुसार २०७९ पुस १० गते दुबईबाट ‘फ्लाई दुबई’ को उडान ( एफजेड ०५८७) मार्फत नेपाल आएका चिनियाँ नागरिक ली हाङ सोङले २ वटा सुटकेसभित्र ७३ वटा बट्टामा ७३० थान भेप ल्याएका थिए। ती भेपभित्र बहुमूल्य सुन लुकाइएको थियो।
चिनियाँ तस्करसँग मिलेर विद्युतीय चुरोट खरिद गरी राज्यलाई क्षति पुर्याएको भन्दै अख्तियारले महरा र नेपाल सरकारका सहसचिव अरुण पोखरेल तथा महराका छोरा राहुलसहित २९ लाई प्रतिवादी बनाएर बिहीबार मुद्दा दायर चलाउने निर्णय गरेकाे हो ।
विशेष अदालतमा मुद्दाको तयारी भइरहेकाे छ । उपरजिस्ट्रार कृष्णशरण लामिछानेका अनुसार मिसिल अध्ययनको काम भइरहेको छ । उनले टेक्टयल ट्राभल्स टुर्स प्रालि र महरासहित गरी जम्मा २९ जनालाई प्रतिवादी बनाई अख्तियारले फाइल ल्याएको पुष्टि गरे ।
लामिछानेले मुख्य कसुरदार महरा बनाइएको समेत जानकारी दिए । त्यस्तै, उनले प्रतिवादीविरुद्ध ७ करोड ७८ लाख ८६ हजार ९५ रुपैयाँ १९ पैसा बिगो माग दाबी गरिएको जानकारी दिएका छन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
