काठमाडौं– प्रतिनिधिसभाको पहिलो बैठकमा कृषि क्षेत्रमा विद्यमान समस्या समाधानलाई सरकारले प्राथमिकतामा राख्नुपर्ने आवाज उठेको छ।
राष्ट्रिय स्वतन्त्र पार्टी (रास्वपा) का सांसद देवराज पाठकले किसानलाई खेतीको समयमा रासायनिक मल अभाव नदोहोरिने सुनिश्चितता गर्न माग गरे।
'किसान हाम्रा अन्नदाता हुन्, विगतमा झैँ खेतीको समयमा किसानले रासायनिक मलका लागि याचना गर्नुपर्ने नियति नदोहोरियोस्’, उनले भने।
हाल पश्चिम एसियामा चलिरहेको युद्धले विश्वमै आपूर्ति श्रृङ्खला खल्बलिएकाले त्यसको प्रभाव रासायनिक मलमा समेत पर्ने देखिएको छ। यससँगै खासगरी मलको धेरै खपत हुने बर्षे सिजन (धानखेती) का लागि अभाव हुन सक्ने डर किसानलाई परेको छ।
त्यसो त कृषि तथा पशुपन्छी विकास मन्त्रालयसँगै मल आपूर्तिकर्ता संस्थाले आगामी असारसम्मलाई मल पुग्ने बताउँदै आएका छन्। तर आपूर्तिमा अवरोध, मूल्यवृद्धि लगायतका कारण यसअघि सम्झौता भइसकेका मल समेत सप्लायरहरूले ल्याउन आनाकानी गर्न सक्ने देखिन्छ। जसले गर्दा युद्ध लम्बिए बर्खे धानका लागि मलको समस्या हुनसक्ने आशंका सर्वत्र देखिन्छ।
प्रतिनिधिसभामा समेत सांसदले मललाई लिएर चिन्ता व्यक्त गरेका छन्। सांसद पाठकले किसानलाई चाहिएको बखत मल उपलब्ध गराउन ‘यस वर्ष सरकारले पूर्वतयारी के गरेको छ?’ भनी प्रश्न गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1775575666.png)
