दक्षिण कोरिया– स्वदेशमा दसैं नजिकिँदै गर्दा कोरियामा बस्ने नेपालीलाई भने घरको यादले सताउने गर्छ। उसो त आफ्नै देशमा रोजगारी सिर्जना हुन नसक्दा धरै नेपाली परदेशिन बाध्य छन्। अरु बेलाका दिन सामान्य भए पनि चाडपर्वमा भने घर सम्झेर छट्पटी हुने उनीहरू बताउँछन्। दसैैंमा निधार भने अधिकांशको खाली हुने गर्छ। ‘परिवारसँगै बसेर दसैं मनाउन नपाउँदाको अनुभूति कस्तो हुन्छ?’कोरियामा रहेका नेपाली दसैं मनाउन नपाउँदाको अनुभूति यसरी पोख्छन्–
_x000D_
_x000D_
गोविन्द ढकाल, गुल्मी (हाल ख्यङजु, दक्षिण कोरिया)
_x000D_
_x000D_
परदेशमा बसेपछि दसैैको महत्व बढ्दो रहेछ। विदेशमा लामो समयदेखि बस्न बाध्य म जस्ता नेपाली यो पर्वमा आफ्नो घर परिवारलाई धेरै नै सम्झिरहेका छौँ। अन्य समयमा काममा व्यस्त भएपनि चाडपर्वका समयमा भने आमा—बुबा, परिवारका अन्य सदस्य र इष्टमित्रलाई सम्झेर मन पिरोलिन्छ। स्वदेशमा हुँदा सम्पूर्ण आफन्त साथी—भाइ भेला भएर हर्षेाल्लासका साथ मनाएको, रमाएको त्यो क्षणको अत्यन्तै सम्झना आउने गर्छ।
_x000D_
_x000D_
पोहोर सालको दसैँमा विदाको दिन परेको भएपनि यसपाली भने विदा नपाइने भयो। यस्ता पर्वमा देशमा रोजगारी नपाउँदा परदेशिनुपर्ने हाम्रो बाध्यताप्रति दु:ख लाग्छ।
_x000D_
_x000D_
दसैँमा फेसबुकको भित्तामा आफ्नो भावना पोख्न म्यासेञ्जर, स्काइपबाट परिवारसँग सुख—दुख साटासाट गर्नु र चित्त बुझाउनु को विकल्प छैन।
_x000D_
_x000D_
माधव खनाल, अर्घाखाँची ( खाङवान दो, दक्षिण कोरिया)
_x000D_
_x000D_
नेपालीको महान चाड भनेकै दसैँ हो। घर परिवारसँगै रहेर दसैं मनाउन सबैको चाहना हुन्छ। तर, म जस्ता हजारौँ नेपाली परिवारमा यो सम्भव छैन। देशको वेथितिले हामीजस्ता युवालाई परदेश धकेलिदिएको छ।
_x000D_
_x000D_
विशेष चाडमा परिवारबाट टाढा रहनु हाम्रो बाध्यता हो। यदि हामी विदेश आएनाैं भने घरको चुलोमा साँझ बिहान आगो बाल्न धौ धौ पर्छ।
_x000D_
_x000D_
दसैँमा घर जान नपाउँदा हृदय भक्कानिन्छ। उही पुरानो दिनको सम्झनाले चस्काउँछ। दसैं भन्दै आमासँग घरको बारदलीमाथि माकुराको जालो पन्छाउँदै कमेरो र रातो माटोले घर पोतेको, बाबाले दसैँको लागि भनेर पालेको खसी, दिदी बहिनीले दसैँका लागि भनेर कुटेको चिउरा, सेलरोटी, साथीसँग खेलेको रोटेपिङ र लिंगेपिङ, वर्षौँदेखि टाढा भएका साथीसँगको भेट। सम्झनामा जीवन्त छन् यी दृश्यहरू।
_x000D_
_x000D_
दुर्गा थेगिम, इलाम (हाल सिओल, दक्षिण कोरिया)
_x000D_
_x000D_
हामी दूर भएपनि देशको स्वेश र त्यहाँको संस्कृतिलाई भूल्न सक्दैनौ। हर साल चाडपर्व आउँछ। यतिबेला परिवारसँग हुन नपाउनुको पीडा विदेशमा बस्नेलाई मात्र थाहा हुन्छ। देशमा समृद्धि आइदिए त हुन्थ्यो। हाम्रा भाइबहिनी विदेशिनु नपरे हुन्थ्यो। मनमा नरमाइलो महसुस त हुन्छ। तर, हाम्रै कारण परिवारले खुसीसाथ दसैं मनाउन पाएका त छन्। यस कुरामा भने खुसी लाग्छ।
_x000D_
_x000D_
विष्णु बञ्जाडे, अर्घाखाँची (हाल बुसान, दक्षिण कोरिया)
_x000D_
_x000D_
रोजगारीको सिलसिलामा तीन वर्ष अगाडि म दक्षिण कोरिया आएँ। दसैँ तिहार आउँदा प्रवासमा रहेका हामीलाई नेपालको याद धेरै आउँछ। नेपालमा रहँदा हामीले मनाएको चाडपर्व, आफन्तसँग रमाएका क्षण यतिबेला धेरै सम्झिँदो रहेछ।
_x000D_
_x000D_
दसैंमा नेपालमा रहेका आफन्तसँग फोनमा कुरा गरेर मन भुलाउँछौँ। हुन त कोरियामै पनि नेपाली दाजुभाइ मिलेर दसैंको रमझम गर्छौँ। तर, नेपालमा आफन्तसँगै बसेर मनाएको दसैँको झल्को त कसरी मेटिएला र !
_x000D_
_x000D_
टेकेन्द्र ओझा मोरङ (हाल, उल्सान दक्षिण कोरिया)
_x000D_
_x000D_
दसैं भन्ने शब्द सुन्ने वित्तिकै गर्मीले विश्राम लिँदै गरेको सन्तुलित मौसम, ओभाना सिंगारिएका गोरेटा बाटा र पहेंलिदै पाक्दै गएको बालि—नालीले सजिएको सुन्दर प्रकृति सम्झन्छु म।
_x000D_
_x000D_
यस्तो महान चाडमा पनि आफ्नो परिवारसँग दसैं मान्न नपाउँदा दुःख लाग्छ। कोरिया बसाइँको दोस्रो वर्ष बित्यो। २ वर्षसम्म वर्षकै दसैं शून्यतामा बित्ने भयो। म यहाँ एक्लै हुँदा उता नेपालमा पनि
_x000D_
_x000D_
परिवारमा दसैंको रौनकले नछोएको सुनाउनुहुन्छ आमा—बुवा। त्यसैले हामी दसैंमा स्देशमा हुन नपाउँदा दुवैतिर खल्लो हुँदारहेछ।
_x000D_
_x000D_
मजस्ता हजारौँ नेपाली दाजुभाइले दसैंलाई विदेशी पैसासँग साटिरहेको देख्छु, अनि यसैमा चित्त बुझाउँछु।
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1762771102.png)
