काठमाडौँ– निर्वाचन आयोगले फागुन २१ गते सम्पन्न प्रतिनिधिसभा सदस्य निर्वाचनको प्रतिवेदन बुधबार राष्ट्रपतिलाई बुझाउँदैछ।
निर्वाचन परिणामको प्रतिवेदन बुझाउने राष्ट्रपति रामचन्द्र पौडेलसँग दिउँसो ४ बजे भेटघाट गर्ने कार्यक्रम राखेको आयोगका प्रवक्ता नारायणप्रसाद भट्टराईले जानकारी दिए।
त्यसअघि आयोगले समानुपातिकतर्फका सांसदहरुलाई प्रमाणपत्र वितरण गरेको छ। निर्वाचन आयोग परिसरमा अहिले पनि औपचारिक कार्यक्रम चलिरहेको छ। फागुन २१ गते भएको निर्वाचनबाट प्रत्यक्षतर्फ १६५ र समानुपातिकतर्फ ११० सांसद निर्वाचित भएका छन्।
६ पार्टीले राष्ट्रिय दलको मान्यता पाएका छन् । यसअनुसार राष्ट्रिय स्वतन्त्र पार्टी प्रत्यक्षमा १२५ र समानुपातिका ५७ गरी १८२ सिटसहित पहिलो दल बनेको छ । नेपाली कांग्रेसले प्रत्यक्षमा १८ र समानुपातिकमा २० सहित कुल ३८ सिट ल्याएर दोस्रो, नेकपा एमाले प्रत्यक्षमा नौ र समानुपातिकमा १६ सिटसहित २५ सिटको तेस्रो दल बनेको छ।
नेपाली कम्युनिस्ट पार्टी (नेकपा) प्रत्यक्षमा आठ र समानुपातिकमा नौ गरी कुल १७ सिटसहित चौथो, श्रम संस्कृति पार्टी सात सिट ल्याएर पाँचौँ र राष्ट्रिय प्रजातन्त्र पार्टी कुल पाँच सिट पाएर छैटौँ दल बनेको छ । आयोगले राष्ट्रपतिलाई निर्वाचन परिणाम बुझाएपछि संसद् आह्वान र सरकार गठन प्रक्रिया शुरु हुनेछ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1773902187.png)
-1764146706.png)
-1773837959.png)
