काठमाडौं– नेपाल सद्भावना पार्टीका वरिष्ठ नेता बद्री मण्डलको निधन भएको छ । ८७ वर्षको उमेरमा उनको मंगलबार बिहान निधन भएको नेपाल सद्भावना पार्टीका अध्यक्ष अनिलकुमार झाले जानकारी दिए ।
२०५४ सालमा नेपाल सद्भावना पार्टीमा प्रवेश गरेदेखि मधेस, मधेसी र मधेसवादका लागी अन्तिमसम्म कार्यरत रहेको मण्डल ज्ञानेन्द्र शाहको प्रत्यक्ष शासनकालमा पार्टी छाडेर मन्त्री बनेपछि उनको निकै आलोचना भएको थियो । ज्ञानेन्द्र शाहको शासन गएपछि उनी मधेसकै राजनीतिमा फर्केपनि उनी सक्रिय कहिले भएनन् ।
गजेन्द्रनारायण सिंहको निधनपछि उनी नेपाल सद्भावना पार्टीका अध्यक्ष भएका थिए । तर राजविराजमा भएको चौथो महाधिवेशनबाट बद्री मण्डललाई पार्टीबाट हटाउने प्रयास भएको थियो । भरतविमल यादव, ह्रदयश त्रिपाठी, राजेन्द्र महतो, रामेश्वरराय यादवलगायतका नेताहरू बद्री मण्डललाई पार्टीबाट हटाउने प्रयासमा लागेका थिए ।
तर उनले सत्तामा रहेको कारण कसैको दाल गलेन । अन्ततः त्यहाँ पार्टी विभाजन भयो । गजेन्द्रनारायण सिंहका श्रीमती आनन्दी देवी सिंहलाई अध्यक्ष बनाएर नेपाल सद्भावना पार्टी (आनन्दी देवी) गठन गरेको थियो ।
बद्री मण्डल नेपाल सद्भावना पार्टीको अध्यक्ष भएर २०६१ ज्ञानेन्द्र शाहलाई समर्थन गरेका थिए । राजाको शासन कालमा उनी उपप्रधानमन्त्री त्यसपछि मन्त्री पनि भएका थिए । पार्टीमा त्यसको चर्को विरोध हुन थालेपछि बद्री मण्डलले पार्टी अध्यक्षबाट राजीनामा दिएर लक्ष्मण लाल कर्णलाई कार्यवाहक अध्यक्ष बनाएका थिए ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778551198-1778552039.jpeg)
-1786875773.jpg)
-1786602170.png)
-1786513116.png)
