काठमाडौँ – रुपन्देही जिल्ला अदालतमा उपस्थित हुन राष्ट्रिय स्वतन्त्र पार्टीका सभापति रवि लामिछाने भरतपुर विमानस्थलबाट गाडीमा भैरहवा हिँडेका छन्।
बाक्लाे हुस्सुका कारण भैरहवा विमानस्थलमा उडान हुन नसकेपछि लामिछाने भरतपुर विमानस्थल हुँदै त्यहाँबाट गाडीमा रुपन्देही गएका हुन्।
सहकारी ठगी मुद्दामा तुलसीपुर उच्च अदालतको बुटवल इजालासका न्यायाधीश वासुदेव आचार्य र तेजनारायण पौडेलको इजलासले जिल्ला अदालतको गत साउन २६ गतेको आदेश बदर गर्दै बिहीबार बिगो बराबरको बैंक जमानत लिएर शर्तसहित लामिछानेलाई थुनामुक्त गर्न आदेश गरेको थियो।
ललितपुरकाे नख्खु कारागारमा रहेका लामिछानेले रिहा हुनका लागि रूपन्देही जिल्ला अदालतमा स्वयं उपस्थित भएर कागज गर्नुपर्ने अदालतको आदेश भएकाे थियाे।
उनलाई रुपन्देही जिल्ला अदालतमा उपस्थित गराइँदै छ । शुक्रबार बिहान ८ बजे नै विमानस्थलमा उपस्थित गराइए पनि भैरहवाको मौसम नखुलेका कारण लामिछाने लामो समय विमानस्थलमा रोकिएका थिए ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766139844.png)
-1766139400.png)
-1766136921.png)
-1766136463.png)
-1764146706.png)
-1763721444.png)
