बझाङ- बझाङमा करिब एक दशकपछि जहाज अवतरण भएको छ। १० वर्षदेखि बन्द भएको विमानस्थलमा बुधबार नेपाल एयरलाइन्सले परीक्षण उडान गरेको हो।
_x000D__x000D_
२०३५ सालमा कच्ची विमानस्थल निर्माण सम्पन्न भएपछि पहिलो पटक तत्कालीन शाही नेपाल वायुसेवा निगमले साप्ताहिक उडान थालेको यो विमानस्थल २०६५ सालपछि बन्द थियो। नेपालगन्जबाट १२ः२४ मा उडेको विमान ४५ मिनेटपछि बझाङ जिल्लाको देवल विमानस्थलमा अवतरण गरेको विमानस्थल सुरक्षा गार्डका प्रहरी सहायक निरीक्षक काँशीराम पन्तले बताए।
_x000D__x000D_
विमानमा सुपर डिभिजन कार्यलयका वरिष्ठ अधिकृत भगवतीप्रसाद केरुङ, नेपाल एयरलाइन्सका रमेशकुमार पाण्डे, निगमका दीपेन्द्र सेन लगायत थिए। नेपाल एयरलाइन्सको कलसाइन नाइन एन एकेयू १७ सिट क्षमताको वाई १२ विमानमार्फत उडान भएको हो। निगमका पाण्डेले यात्रुको अवस्था हेरेर उडान तालिका तय गरिने बताए।
_x000D__x000D_
बझाङ सदरमुकाम चैनपुर नजिकै रहेको देवल विमानस्थल कालोपत्रे गर्ने भनिए पनि अहिलेसम्म हुन सकेको छैन।
_x000D__x000D_
बैसाखको दोस्रो साता नै कालोपत्रेका लागि टेन्डर प्रक्रियाको टुंगो लागिसक्ने र दुई वर्षभित्र सक्ने गरी नागरिक उड्डयन प्राधिकरणले काम अगाडि बढाएपनि कामको कुनै टुङ्गो नलागेको स्थानीय नरेन्द्र खड्काले बताए।
_x000D__x000D_
२०३५ सालमा कच्ची विमानस्थल निर्माणपछि पहिलो पटक तत्कालिन शाही नेपाल वायुसेवा निगमले साप्ताहिक उडान थालेको यो विमानस्थल २०६५ सालसम्म सञ्चालनमा रहेको थियो। पछिल्लो समय निगम बाहेकका निजी विमान कम्पनीहरुले पनि बझाङबाट नेपालगन्ज र धनगढीका लागि उडान भर्ने गरेका थिए। २०६५ सालमा बझाङ सदरमुकामसम्म बस चल्न थालेपछि विमानस्थलमा कुनै पनि उडान भएका थिएनन्।
_x000D__x000D_
२०६६ सालमा नेपाल वायुसेवा निगमले बझाङ सदरमुकाममा रहेको आफ्नो कार्यालयसमेत बन्द गरेको थियो।
_x000D__x000D_
बढीजसो बझाङ-नेपालगन्ज उडान सञ्चालन गर्ने विमान कम्पनीहरुले नेपालगन्जबाट बझाङ आउने यात्रुको चाप घट्दै गएको कारण उडान बन्द गरेको बताए थिए। यद्यपि धनगढी-बझाङ उडान सञ्चालन गर्न सके दैनिक दुईतीन वटा सम्म ट्वीनअटर फ्लाइट गर्न सकिने सम्भावना रहेको विमान कम्पनीहरुले बताउँदै आएका छन्। तर धनगढी विमानस्थलमा विमानलाई राति राख्न मिल्ने व्यवस्था नभएको भन्दै उनीहरु नै बझाङमा उडान भर्न आनाकानी गर्दै आएका छन्।
_x000D__x000D_
बेवारिसे जस्तै बनेको विमानस्थल स्थानीयले खेल मैदान र गौचरन बनाउँदै आएका थिए। विमानस्थलस्थित टावर रहेको भवन स्थानीय केटाकेटीको सौच गर्ने ठाउँमा परिणत भएको थियो। केही वर्षअघि मात्र निर्माण सम्पन्न भएको उक्त भवनका झ्यालढोकामा रहेका सिसाहरु पनि फुटाइएको अवस्थामा छ।
_x000D__x000D_
एक दशकपछि हवाईजहाज उडान भएपछि यहाँका सर्वसाधारणमा खुसी छाएको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1737368334.jpg)
-1737367852.jpg)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
