एजेन्सी – इजरायली प्रधानमन्त्री बेन्जामिन नेतान्याहूले शनिबार योनाटन समेरानो, ओफ्रा केदार र स्टाफ सार्जेन्ट शाई लेभिनसनको शव फेला परेको जानकारी दिएका छन् । उनका अनुसार यो महिनामै गाजाबाट जम्मा आठ जना बन्धकको शव भेटिइसकेको छ ।
नेतन्याहूले मृतक परिवारप्रति समवेदना प्रकट गर्दै बन्धकहरूलाई फर्काउने अभियान जारी रहने बताएका छन् । “हामी जीवित वा मृत सबै अपहरणमा परेकालाई फिर्ता ल्याउँछौँ,” विज्ञप्ती जारी गर्दै उनले भने ।
उनले यस्तो भनिरहँदा नेपालका विपिन जोशीको अवस्था भने अझै खुल्न सकेको छैन । गत वर्ष अक्टोबर ७ मा हमासले इजरायलमाथि गरेको आक्रमणमा उनी बन्धक बनिएका थिए ।
उक्त आक्रमणमा १० जना नेपालीको मृत्यु भएको थियो । ‘लर्न एन्ड अर्न’ कार्यक्रमअन्तर्गत इजरायल गएका विपिन जोशी हमासद्वारा अपहरणमा परेका थिए । नेपाल सरकारले उनको अवस्थाबारे जानकारी लिन कूटनीतिक प्रयास जारी राखेपनि उनको कुनै जानकारी आएको छैन ।
इजरायली सेनाका अनुसार अझै करिब ५४ जना बन्धक गाजामा छन्, जसमध्ये ३१ जनाको मृत्यु भइसकेको अनुमान गरिएको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
_k6NyB2pvBh-1772612065.jpg)
-1764146706.png)
