सहकारीका साना बचतकर्ताको समस्या समाधान गर्न कोष स्थापना गरिने

समाचार

नेपाल लाइभ शुक्रबार, वैशाख १९, २०८२ १५:५९

काठमाडौं–सहकारीका साना बचतकर्ताको समस्या समाधान गर्न कोष स्थापना गरिने भएको छ।

आगामी आर्थिक वर्ष २०८२/८३ का लागि ल्याइएको नीति तथा कार्यक्रममा यस्तो समेटिएको छ।

उक्त नीति तथा कार्यक्रममा भनिएको छ, ‘समस्याग्रस्त सहकारीका साना बचतकर्तालाई तत्काल राहत उपलब्ध गराउन सहकारी नियमन प्राधिकरण मार्फत कोष स्थापना गरिनेछ।’

त्यस्तै, राष्ट्रिय सहकारी नियमन प्राधिकरण मार्फत सहरकारी क्षेत्रका समस्याहरू समाधान गरिने भएको छ। यसका साथै सहकारी ऋण असुली न्यायाधिकरण स्थापना गरिने भएको छ।

आगामी आवको नीति तथा कार्यक्रममा सहकारी नीतिको पुनरावलोकन गरी नयाँ राष्ट्रिय नीति जारी गरिने विषय प्राथमिकतामा परेको छ।

सहकारी तथ्यांक व्यवस्थापनलाई प्रभावकारी बनाउन विद्युतीय सूचना प्रणालीको मापदण्ड कायम गर्दै सहकारी सूचना प्रणालीको स्तरोन्नति गरिने भएको छ। हाल नेपालमा सहकारीको यकिन तथ्यांक नै छैन।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

बाल यौन शोषण नेटवर्क चलाएको अभियोगमा अमेरिकामा नेपाली युवा पक्राउ

शनिबार दिउँसो एमाले संसदीय दलको बैठक बस्दै

भाजपा विदेश विभाग प्रमुख चौथाइवाले फर्किए, तीन दिनमा डेढ दर्जन बढी नेतासँग भेट