भारतले नेपाललाई बिजुली दिने समय बढायो

समाचार

नेपाल लाइभ बिहीबार, वैशाख १८, २०८२ १९:४४

काठमाडौं– भारतबाट आउने बिजुलीको समय थप भएको छ । नेपाल विद्युत् प्राधिकरणले बिहीबार एक सूचना जारी गर्दै बिहीबार (१ मे) देखि भारतबाट खरिदमार्फत आउने बिजुलीको समय ४ घण्टा थप भएको हो ।

इन्डियन एक्सचेन्ज मार्केटले बिहान ६ बजेदेखि बेलुका ५ बजेसम्म ढल्केबर मुजफ्फरपुर लाइनमार्फत ६०० मेगावाट विद्युत् उपलब्ध गराउँदै आएको थियो । तर, बिहीबारदेखि ४ घण्टा समय थप गरी बिहान २ बजेदेखि साँझ ५ बजेसम्म नेपाललाई बिजुली उपलब्ध गराउने भएको प्राधिकरणले जनाएको छ ।

प्राधिकरणका अनुसार नदी नालाहरूमा पानीको बहाव बढेसँगै तथा निजी क्षेत्रबाट उत्पादन भइरहेको विद्युतको मात्रा समेत बढेको र भारतले समेत खरिदको बिजुली उपलब्ध गराउने समय थप गरेका कारण हाल उद्योगमा भइरहेको विद्युत् कटौती कम हुने र बिहान २ बजेदेखि साँझ ५ बजेसम्म औद्योगिक ग्राहकहरूले माग अनुसारको विद्युत पाउने छन् ।

औद्योगिक क्षेत्रमा नियमित र भरपर्दो विद्युत् उपलब्धतालाई हालको व्यवस्थापनले उच्च प्राथमिकतामा राखि कार्य गरिरहेकोले माग अनुसार कम भएको विद्युत् आपूर्ति आन्तरिक उत्पादनले उपलब्ध गराउन नसकुन्जेल भारतबाट अधिकतम मूल्यमा समेत आयातको प्रयास गरिएको र यसले औद्योगिक ग्राहकहरूमा देखिएको समस्या समाधान हुने विश्वास प्राधिकरणको छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

ओडिसाको किट विश्वविद्यालयमा फेरि नेपाली छात्रा मृत फेला

दक्षिण कोरियाका कार्यवाहक राष्ट्रपतिले राजीनामा दिए

यस्तो छ शुक्रबारको संसद् बैठकको सम्भावित कार्यसूची