चलचित्र ‘लाज शरणम’ को प्रदर्शनको बाटो खुल्यो

समाचार

नेपाल लाइभ आइतबार, फागुन ११, २०८१ १३:०१

काठमाडौँ – चलचित्र ‘लाज शरणम’को प्रदर्शनको बाटो खुलेको छ । प्रचार प्रसारकै क्रममा रोकिन पुगेको चलचित्र ‘लाज शरणम’ को सेन्सर पास भए संगै अब प्रदर्शनको बाटो खुलेको हो ।

चर्चित टेलिसिरियल सक्किगोनि टिमले बनाएको फिल्म ‘लाज शरणम’ लाई केन्द्रीय चलचित्र जाँच समितिले यस फिल्मलाई आइतबार प्रदर्शनको अनुमति दिएको हो ।

मुद्दामामिलाको कारण सेन्सर बोर्डले यो फिल्मको सेन्सरलाई गम्भीरताको साथ लिएको थियो । जसको कारण सेन्सरपूर्व बैठक बोलाइएको थियो ।

सीताराम कट्टेल (धुर्मुस) ले फिल्ममा पूर्वमन्त्री एवं कांग्रेस नेता मोहम्मद अफताब आलम जस्तै देखिने चरित्र चित्रण गरेको भन्दै गत मंगलबार फिल्मविरुद्ध पाटन उच्च अदालतमा रिट दायर गरेका थिए । उनको रिटमा सुनुवाइ गर्दै अदालतले सेन्सरअघि फिल्मको प्रचारप्रसार नगर्न आदेश दिएको थियो ।

सोही रिटलाई ध्यानमा राख्दै शुक्रबार बोर्डले यस फिल्मको जाँच गरेको थियो । तर सेन्सर बोर्डले रोक लगाउनुपर्ने कुनै दृश्य नभेटेपछि प्रदर्शनको बाटो खोलिदिएको हो । यस फिल्मलाई बोर्डले युनिभर्सल सर्टिफिकेट दिएको छ । अर्थात्, सबै उमेर समूहले यस फिल्मलाई हेर्न पाउनेछन् ।

‘लाज शरणम’ हास्यकलाकार फिल्म कुमार कट्टेलको लेखन र निर्देशनमा बनेको हो । फिल्ममा सीतारामसहित अर्जुन घिमिरे, विजय बराल, सागर लम्साल, हरिश निरौला, प्रियाना आचार्य, विजय बराल, महेश त्रिपाठी, अर्षण थापा, रेणु योगी लगायतको अभिनय छ । यो चलचित्र फागुन १४ गतेबाट हलमा प्रदर्शनको तयारीमा छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अत्याधिक रक्तस्राव भएपछि एक सुत्केरीको हेलिकोप्टरमार्फत उद्धार

कास्की संघले जित्यो ‘जुनियर खुल्ला राष्ट्रिय जुडो प्रतियोगिता–२०८१’ को उपाधी

एनसेलको फ्ल्यास सेल अब हरेक आइतबार खल्तीमा