भद्रपुर– गर्मीको मौसम, त्यसमाथि तातो घाम। क्षमताभन्दा तेब्बर कैदीबन्दीका लागि कारागारको बसाई कष्टकर नहुने कुरै भएन। तर, आइतबार झापा कारागारका १ हजार २३ जना कैदीबन्दीले राष्ट्रिय कलाकार मनोज गजुरेलको प्रेरक प्रस्तुतिका कारण मनोरञ्जन मात्र होइन, सितल पनि महसुस गरे।
_x000D_
_x000D_
कैदीबन्दीको मानवअधिकार प्रवद्र्धन गर्ने उद्देश्यले सिस्नोपानी नेपालको प्रस्तुतिमा चन्द्रगढीस्थित झापा कारागारमा हाँस्यव्यङ्ग्य शिविर सञ्चालन भएको थियो। कार्यक्रममा प्रख्यात कलाकारसँगै गीत, कविता र नृत्यसमेत देखाउन पाएर कैदीबन्दी हर्षित बनेका थिए।
_x000D_
_x000D_
हाँस्यकलाकार मनोज गजुरेलले काराबासको बसाइलाई निराशामा होइन, विगतका कमजोरी सच्याएर भविष्यमा नयाँ जीवन जिउने आशामा परिणत गर्न कैदीबन्दीलाई आग्रह गरे।
_x000D_
_x000D_
उनले देशको ठूला पदमा पुगेका व्यक्तिसमेत जीवनको कुनै कालखण्डमा कारागारमा बसेको चर्चा गर्दै काराबासलाई विश्वविद्यालयसँग तुलना गरे। ‘कारागार पनि एउटा विश्वविद्यालय हो’, कलाकार गजुरेलले भने, ‘यहाँबाट बाँकी जीवन जिउने कला सिक्न सकिन्छ।’
_x000D_
_x000D_
कार्यक्रममा कैदीका तर्फबाट रमेश पोखरेलले कविता प्रस्तुत गरिरहँदा अतिथि कलाकार गजुरेलसँगै झापाका प्रमुख जिल्ला अधिकारी जनकराज दाहालले ताली बजाएर प्रशंसा गरेका थिए।
_x000D_
_x000D_
कैदीबन्दीका लागि मानवअधिकार प्रवद्र्धन गर्ने र उनीहरुमा आत्मविश्वास जगाउने लक्ष्य लिएर प्रदेश १ को आन्तरिक मामिला तथा कानून मन्त्रालयले विभिन्न जिल्लास्थित कारागारमा यस्तो कार्यक्रमको आयोजना गर्दै आएको छ।
_x000D_
_x000D_
विराटनगर कारागारपछि सिस्नोपानी नेपालले झापा कारागारमा यो कार्यक्रम गरेको हो।
_x000D_
_x000D_
झापा कारागारमा हाल क्षमताभनदा तेब्बर एक हजार ३२ जना कैदीबन्दी रहेका छन्। कारागारको क्षमता ३ सय ५० जनाको मात्र रहेको कारागारका निमित्त प्रमुख पदमलाल ओझाले बताए। उनका अनुसार जीर्ण भवनमा रहेको कारागारमा ९ सय ४२ पुरुष र ९० महिला छन्। रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-ink-1735720380-1735720728.jpeg)
