देउवा र ओली भेट्दैमा समीकरणमा उलटफेर नहुने माओवादीको दाबी

राजनीति

नेपाल लाइभ सोमबार, असार १७, २०८१ १३:४७

काठमाडौं– पछिल्लो समय नेकपा एमाले अध्यक्ष केपी शर्मा ओली र कांग्रेस सभापति देउवाबीच भेटघाट भइरहँदा सत्ता फेरबदलको चर्चा चलिरहेका बेला सत्तारुढ प्रमुख दल माओवादी केन्द्रले भेटघाटकै कारण सत्ता फेरबदल नहुने बताएको छ।

सोमबारको प्रतिनिधि सभा बैठकमा बोल्दै मा‌ओवादी सांसद माधव सापकोटाले सत्ता र प्रतिपक्ष दलका शीर्ष नेताहरुबीच भेट हुँदैमा सत्ता गठबन्धनमा उलटफेर नआउने बताएका हुन्।

उनले शीर्ष नेताहरुबीचको भेटलाई सकारात्मक रुपमा लिनुपर्ने बताएका छन‍्। उनले भने, ‘दुई दिनको राजनीतिक घटनाक्रमलाई हामीले नजिकबाट नियाल्यौं भने अहिले सिंगो राजनीति तरंगित भएको छ। अनौपचारिक संवाद हुँदा, समाचारहरू अध्ययन गर्दा सिंगो राजनीति तरंगित हुनेजस्तो। सत्तापक्ष र प्रतिपक्ष दलका नेताका बीचमा संवाद हुनेबित्तिकै सत्ता गठबन्धनमा उलटफेर आउने भयो भनेर चर्चा भएको छ। तर, दुई जना नेता बस्दैमा पूरै सत्ता गठबन्धन उलटफेर हुने नयाँ परिस्थिती हुने भन्दै चाँडै निष्कर्ष पुग्ने परिपाटीले स्थिरताको मानसिकता दिँदैन। यसबारे घटनाक्रम हेर्दा पनि सत्यता भएजस्तो लाग्दैन।’

कांग्रेस सभापति शेरबहादुर देउवा र एमालेका अध्यक्ष केपी शर्मा ओलीबीच शनिबार भएको भेटले नेपालको राजनीति तरंगित भएको छ। ओलीले देउवासँग भेटेपछि सत्ताको नेतृत्व गरिरहेको माओवादी केन्द्रमा ठूलो आशंका पैदा गरेको छ। अहिले पनि प्रचण्ड र ओलीबीच छलफल जारी छ।

तर, सांसद सापकोटाले जुनसुकै दलका शीर्ष तहको बैठकमा देशको राष्ट्रिय मुद्दाले प्राथमिकता पाउनुपर्ने बताए। ओली र देउवाबीचको भेटका कारण सत्ता बदलिने आकलन गरिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

नेपाललाई ६ महिनामा २५ अर्ब ७७ करोडको एफडीआई प्रतिबद्धता

निर्यात ३१ प्रतिशतले बढ्दा पनि व्यापार घाटा उच्च

जनता हाम्रो प्राथमिकता हो, सरकार होइन : अध्यक्ष प्रचण्ड