फाइल तस्बिर काठमाडौं – नेपालका ९९ प्रतिशत वडाहरु कुनै न कुनै प्रकारको विपद्बाट जोखिममा रहेको छ। देशभर रहेका ६ हजार ७४३ वडामध्ये ६ हजार ६६४ वडामा कुनै न कुनै प्रकारको प्राकृतिक विपद्को जोखिम रहेको पाइएको राष्ट्रिय तथ्यांक कार्यालयले जनाएको छ।
जसमध्ये सबैभन्दा धेरै जोखिम बाढी र पहिरोको रहेको पाइएको छ। कार्यालयले जनगणनाको सामुदायिक प्रश्नावलीमा १६ वटा जोखिम उल्लेख गरेर विवरण भरेको थियो। जसमध्ये ६३.३ प्रतिशत वडामा बाढीको जोखिम र ५९.७ प्रतिशत रहेको तथ्यांकमा उल्लेख छ।
प्रदेशगत रूपमा हेर्दा मधेस प्रदेशमा सबैभन्दा धेरै वडामा बाढिको जोखिम रहेको छ। सबैभन्दा धेरै वडामा पहिरोको जोखिम रहेको प्रदेश गण्डकी रहेको छ। कोशीमा बाढिको जोखिम ६१ प्रतिशत वडामा रहेको छ भने पहिरो ६३.५ प्रतिशत वडामा रहेको तथ्यांकमा उल्लेख छ।
मधेसमा ७९.९ प्रतिशत वडामा बाढि र १३.९ प्रतिशत वडामा पहिरोको जोखिम रहेको छ। यस्तै बागमति प्रदेशमा बाढिको जोखिम ५३.८ प्रतिशत र पहिरोको जोखिम ७५ प्रतिशत रहेको पाइएको छ। गण्डकीमा ६०.५ प्रतिशत वडामा बाढी र ८६.७ प्रतिशत वडामा पहिरोको जोखिम रहेको छ। लुम्बिनीमा ६१.३ प्रतिशत वडामा बाढि र ४९.८ वडामा प्रतिशत पहिरोको जोखिम रहेको पाइएको छ। कर्णालीमा ५३.२ प्रतिशत बाढि र ८४.५ प्रतिशत पहिरोको जोखिम रहेको छ। यस्तै सुदूरपश्चिम प्रदेशमा ७०.६ प्रतिशत बाढी र ७०.८ प्रतिशत वडामा पहिरोको जोखिम रहेको छ।
यस्तै हिमताल विस्फोटनको जोखिम सबैभन्दा कम वडामा रहेको पाइएको छ। हिमताल विस्फोटनको १.२ प्रतिशत वडामा रहेको पाइएको हो। आँधी र हुरीबतासको जोखिममा ५२.६ प्रतिशत, वन डढेलोको जोखिममा ३६.७ प्रतिशत, आगलागीको जोखिम ३६ प्रतिशत, असिना ३५.६ प्रतिशत, डुबान २८.९ प्रतिशत र भूक्षयको जोखिम २४.१ प्रतिशत वडामा देखिएको छ।
असिना र चट्याङ्गको जोखिम क्रमशः ३५.६ र ३३ प्रतिशत वडामा रहेको छ। अतिवृष्टिको जोखिम ६.२ प्रतिशत, खण्डवृष्टि ३.५ प्रतिशत, शितलहर २१.९ प्रतिशत र सुक्खा पहिरोको जोखिम ३६.५ प्रतिशत रहेको छ।
लूको जोखिम ३ प्रतिशत वडामा ,हिमपहिरो १.४ र हिमताल विस्फोटनको १.२ प्रतिशत वडामा जोखिम देखिन्छ। कुनै पनि जोखिम नभएको वडाको संख्या १.२ प्रतिशत रहेको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
