बझाङ– बझाङ जिल्लामा मदिरा निषेध गर्ने जिल्ला सभाको निर्णय थप पेचिलो बन्दै गएको छ। गएको महिनामा दोस्रो जिल्ला सभाले आधिकारिक रुपमा बझाङ जिल्लालाई मदिरा निषेध गर्ने निर्णय गरेपछी मदिरा बिक्रिवितरण गर्न इजाजत पत्र लिएका व्यापारी तथा उद्योगीहरुले असन्तुष्टि जनाएका छन्।
_x000D_
_x000D_
बझाङ उद्योग वाणिज्य संघले संस्थागत रुपमा जिल्लामा मदिरा निषेध गर्ने निर्णयका विरुद्धमा विभिन्न संघर्ष र कानुनी समाधानको खोजीलाई जारी राखेको छ। संघले उक्त निर्णय खारेजीको माग गदै शुक्रबार सदरमुकाम चैनपुरलगायत जिल्लाका सबै व्यापारी केन्द्रहरुमा मदिरा पसल तथा होटलहरु बन्द गराएको छ।
_x000D_
_x000D_
उता व्यवसायीको विरोध उचित नभएको भन्दै शुक्रबार नै जिल्लाका जनप्रतिनिधि महिलाहरु, महिला अधिकारकर्मी, विभिन्न संघसंस्थामा कार्यरत महिला कर्मचारी तथा स्थानीयहरुले चैनपुरमा प्रदर्शन गरेका छन्। प्रदर्शनमा सहभागी महिलाहरुले मदिरा निषेध गर्ने निर्णयको कार्यान्वयन गर्न भन्दै नाराबाजी गरेका थिए।
_x000D_
_x000D_
उद्योग वाणीज्य संघ बझाङका अध्यक्ष दान बहादुर सुर्मेलीले मदिरा निषेधको विषयलाई लिएर सरकार पक्ष, महिला अधिकारकर्मीसँग वादविवाद गर्न जरुरी नभएको बताए। उनले देशको कानुनअनुसार आफ्नो पेसा व्यवसाय गर्न पाउनु व्यवसायीको अधिकार भएको तर्क गरे। ‘जनप्रतिनिधि सहितको जिल्ला सभाले कानुनलाई मिचेर काम निर्णय गरेको छ।’, उनले भने।
_x000D_
_x000D_
जयपृथ्वी नगरपालिकाकी उपप्रमुख जुना जाग्रीले जनप्रतिनिधिहरुले समाज र जनताको हितका लागि निर्णयय लिएको भन्दै मदिरा सेवनकै कारण जिल्लामा थुप्रै जनधनको क्षति भएकाले मदिरा बिक्रिवितरण बन्द हुनुपर्ने बताइन्।
_x000D_
_x000D_
मदिरालाई निषेध गरिनुपर्ने भन्दै प्रदर्शनका क्रममा महिलाहरुले देउडा गीतसमेत गाएका थिए।
_x000D_
_x000D_
जिल्ला सभाले मदीरा निषेध गर्ने निर्णय गरे लगत्तै उद्योग वाणिज्य संघले भने उच्च अदालत दिपायलमा मुद्धा दर्ता गराएको छ। रिटमाथि पहिलो सुनुवाइ गर्दै उच्च अदालत दिपायलले कारण देखाउ आदेश जारी गरेको छ।
_x000D_
_x000D_
उच्च अदालत पत्र प्राप्त गरेको भन्दै जिल्ला समन्वय समीतिका प्रमुख खडक खड्काले उक्त निर्णयमा जनप्रतिनिधिको कुनै पनि स्वार्थ नरहेको बताए। उनले भने, ‘यो समग्र जिल्लाको हितका लागि १२ वटै स्थानीय निकायका प्रमुख, उपप्रमुखसहित प्रशासकिय अधिकृतहरुको संयुक्त निर्णय हो।’ उनले मदिराका कारण धेरै आपराधिक गतीविधि भएको भन्दै सोको न्युनीकरणका लागि यस्तो निर्णय गर्नुपरेको स्पष्ट पारे।
_x000D_
_x000D_
जिससको असोज १ गते देखि मदिरा निषेध गर्ने निर्णयअनुरुप नै जिल्लाभर मदिरा बिक्रिवितरणमा रोक लगाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1786602170.png)
-1789631269.jpg)
