एजेन्सी– साहबाज नदीमले 'लिस्ट ए' क्रिकेटमा विश्व रेकर्ड बनाएका छन्। देब्रे हाँते स्पिनर नदीमले लिस्ट एमा उत्कृष्ट बलिङको रेकर्ड बनाएका हन्।
_x000D__x000D_
उनले विजय हजारे ट्रफीमा झारखण्डबाट खेल्दै राजस्थानविरुद्ध १० ओभरमा ४ मेडन राखेर ८ विकेट (१०–४–१०–८ : बलिङ फिगर) लिएका हुन्। उनले यसका लागि केवल १० रनमा मात्र खर्चिए। योसँगै नदीमले 'लिस्ट ए' मा उत्कृष्ट बलिङको रेकर्ड आफ्नो नाममा लेखाउन सफल भए।
_x000D__x000D_
नदीमले २० वर्ष पुरानो रेकर्ड भंग गरेका हुन्। यसअघि राहुल संघ्वीको नाममा यो रेकर्ड थियो। भारतका लागि एक टेस्ट र १० एकदिवसीय खेल खेलेका उनले १० ओभरमा ८ विकेट लिँदा १५ रन खर्चिएका थिए। दिल्लीका राहुलले हिमाञ्चलविरुद्धको खेलमा सन् १९९७–९८ को सिजनमा रेकर्ड बनाएका थिए।
_x000D__x000D_
_x000D__x000D_
भारतको ए टिमका सदस्य नदीमले उत्कृष्ट खेलेपछि झरखण्डले राजस्थानलाई ७ विकेटले हराएको छ। खेलमा नदीमले सुरुवाती ८ विकेट लिएका थिए। चेन्नइमा भएको खेलमा नदीमले १० विकेट लिने छाट देखाएका थिए। तर अन्तिम २ विकेट भने अनुकुल रोएले लिए। रोए भारतीय यू–१९ टिमका सदस्य हुन्। खेलमा राजस्थान २८.३ ओभरमा ७३ रनमा अलआउट भएको थियो।
_x000D__x000D_
नदीमको यसअघि लिस्ट एमा राम्रो बलिङ ५ विकेट लिएर ३० रन दिनु थियो।
_x000D__x000D_
आइपिएल क्रिकेटमा दिल्ली डेयर डेभिल्सबाट खेलेका नदीमले भारतको सिनियर राष्ट्रिय टिममा भने अहिलेसम्म स्थान पाएका छैनन्।
_x000D__x000D_
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।