एमाले बाजुराको अध्यक्षमा लालबहादुर ओली निर्वाचित

राजनीति

नेपाल लाइभ सोमबार, जेठ ७, २०८१ ०९:०२

बाजुरा- नेकपा एमाले बाजुराको अध्यक्षमा लालबहादुर ओली निर्वाचित भएका छन्। नयाँ नेतृत्वका लागि भएको मतदान ओलीले दुई सय १८ मत प्राप्त गर्दा प्रतिद्वन्द्वी भरतबहादुर थापाले दुई सय तीन मत प्राप्त गरेका छन्।

उपाध्यक्षमा निर्वाचित जनककुमार बोहराले दुई सय ७४ मत प्राप्त गर्दा प्रत्यासी मेघराज शाहीले एक सय २० मत पाए। सचिवमा विजयी काशीबहादुर विकले दुई सय ४१ पाए भने जनक विष्टले एक सय ७१ मत प्राप्त गरे।

साथै उपसचिव (खुला)मा विजयी हरिबहादुर रोकायाले दुई सय ७७ प्राप्त गर्दा मानबहादुर रोकायाले एक सय १५ मत पाए। यसैगरी उपसचिव (महिला)मा विजयी राजकला सार्कीले दुई सय ७७ मत पाइन् भने कल्पना महतले एक सय २६ मत प्राप्त गरेकी थिइन्।

यही जेठ १ गतेबाट सुरु भएको आठौँ अधिवेशनमा चार सय ३९ जना प्रतिनिधि थिए। जसमा चार सय २५ मत खसेको थियो। पदाधिकारीको मतगणना सकिएपछि जिल्ला कमिटी सदस्यको मतगणना सुरु गरिएको निर्वाचन कमिटीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

भरतपुरमा भूमिगत विद्युतीकरणको परीक्षण सुरु

प्रधानमन्त्री ओलीले सिद्धबाबा सुरुङमार्ग ब्रेक थ्रु को भर्चुअल उद्घाटन गर्ने

कांग्रेस संसदीय दलको बैठक आह्वान