नेपाली कांग्रेस संसदीय दलको बैठक आह्वान

राजनीति

नेपाल लाइभ सोमबार, जेठ ७, २०८१ ०७:४०

काठमाडौँ- प्रमुख प्रतिपक्षी दल नेपाली कांग्रेसले सोमबार संसदीय दलको बैठक आह्वान गरेको छ। बैठकले बिहान ९ बजे बस्दैछ। त्यसअघि संसदीय दल कार्यसमितिको बैठक बिहान ८:३० बजे बस्ने कांग्रेस प्रमुख सचेतक रमेश लेखकले जानकारी दिए।

सङ्घीय संसद् भवन नयाँ बानेश्वर, ल्होत्से हलमा बस्ने बैठकमा आजै बिहान ११ बजेका लागि निर्धारित प्रतिनिधि सभाको बैठकमा पार्टी कसरी प्रस्तुत हुने लगायत विषयमा छलफल हुने लेखकले बताए।

त्यस्तै प्रतिनिधि सभाको आइतबारको बैठकमा भएको उपप्रधानमन्त्री एवं गृहमन्त्री रवि लामिछानेले बोलेका विषय र कांग्रेसलाई लगाएका आरोपबारेमा समेत छलफल हुने बताइएको छ।

कांग्रेसले सहकारीको रकम अपचलनमा गृहमन्त्री लामिछानेको समेत संलग्नता देखिएको आरोप लगाउँदै निष्पक्ष छानबिनका लागि संसदीय समिति गठनको माग गरेर संसद् बैठक अवरुद्ध गर्दै आएको छ। तर प्रतिनिधि सभाको आइतबारको बैठकमा कांग्रेस लगायत विपक्षी दलको संयुक्त बैठकले गृहमन्त्री लामिछानेको मागबमोजिम उनलाई सदनमा बोल्न दिने सहमति गरेका थिए।

प्रतिनिधि सभाको आइतबारको बैठकपछि कांग्रेस महामन्त्री गगनकुमार थापाले पत्रकार सम्मेलनमार्फत सहकारीको रकम अपचलनका विषयमा निष्पक्ष छानबिन गर्न संसदीय समिति नबनेसम्म आफ्नो पार्टीले संसद् बैठक अघि बढ्न नदिने बताएका छन्।

कांग्रेसले सहकारीका बचतकर्ताको रकम फिर्ता दिलाउनुपर्ने र सहकारीको रकम अपचलनमा संलग्न जोसुकै होस् कानुनी दायरामा ल्याउनुपर्ने माग गर्दै आएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

वरिष्ठ अधिवक्ता त्रिपाठीविरुद्ध अदालतको अवहेलना मुद्दा दायर

भरतपुरमा भूमिगत विद्युतीकरणको परीक्षण सुरु