देउवासहित कांग्रेस नेताहरु प्रधानमन्त्रीसँग छलफलका लागि बालुवाटारमा

राजनीति

नेपाल लाइभ शनिबार, जेठ ५, २०८१ १०:३७

काठमाडौं–प्रधानमन्त्री पुष्पकमल दाहाल ‘प्रचण्ड’लाई भेट्न नेपाली कांग्रेसका शीर्ष नेताहरु प्रधानमन्त्री निवास बालुवाटार पुगेका छन्।

माओवादी केन्द्रका अध्यक्ष समेत रहेका प्रधानमन्त्री प्रचण्डलाई भेट्न कांग्रेस सभापति शेर बहादुर देउवा, उपसभापति पूर्णबहादुर खड्का, महामन्त्री गगन थापा, कृष्ण सिटौला र रमेश लेखकलगायतका नेताहरु बालुवाटार पुगेका हुन्।

सहकारी ठगी प्रकरणमा संसदीय छानबिन समिति गठनको माग गर्दै कांग्रेसले स‌ंसद अवरुद्ध गर्दै आइरहेको छ। प्रधानमन्त्री दाहालले संसदको गतिरोध अन्त्यको प्रयासमा कांग्रेसका नेताहरुसँग सम्वाद जारी राखेका छन्।

उनले आज बिहानै नेताहरुलाई बालुवाटारस्थित निवासमा बोलाएर छलफल गरिरहेका छन्। प्रधानमन्त्री दाहालले सोमबार चौथो पटक विश्वासको मत लिँदैछन्। संसदको गतिरोध अन्त्य र विश्वासको मत लिने विषयमा छलफल केन्द्रीत रहेको जनाइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

दक्षिणी क्यालिफोर्नियाको नयाँ क्षेत्रमा आगलागी, युनिभर्सिटीलाई तत्काल खाली गर्न निर्देशन

भाटभटेनी सुपरमार्केटको कर प्रणाली ह्याक गरेको आरोपमा दुई जना पक्राउ

सुडान र इराकमा रहेका नेपाली शान्ति सैनिकहरूको अदलीबदली