कोशी प्रदेश सरकार विस्तार, मन्त्रिपरिषद् १० सदस्यीय बनाइयो

राजनीति

नेपाल लाइभ शुक्रबार, जेठ ४, २०८१ १७:०२

विराटनगर- कोशी प्रदेशका मुख्यमन्त्री हिक्मत कार्कीले मन्त्रिपरिषद् विस्तार गरेका छन्। २ जना विनाविभागीय मन्त्री मात्र रहेको सरकारमा शुक्रबार ५ मन्त्री र २ राज्यमन्त्री थपेर १० सदस्यीय बनाइएको हो।

एमालेबाट एकराज कार्की, पाँचकर्ण राई र लिलावल्लभ अधिकारी मन्त्रीमा नियुक्त भएका छन्। माओवादी केन्द्रबाट नारायण बुर्जा मगर र राजेन्द्र कार्की मन्त्री बनेका छन्। एमालेबाट सिर्जना राई र माओवादी केन्द्रबाट बन्दना झागड राज्यमन्त्री बनेका छन्।

यसअघि एमालेबाट राम राना र माओवादी केन्द्रबाट गणेश उप्रेती विनाविभागीय मन्त्रीमा नियुक्त भएका थिए।

मुख्यमन्त्री कार्कीले कृषि, उद्योग तथा सहकारी मन्त्रालयको जिम्मेवारी आफूसँगै राखेका छन् भने आर्थिक मामिला तथा योजना मन्त्रालयको जिम्मेवारी रामबहादुर मगर र स्वास्थ्य मन्त्रालयको जिम्मेवारी राजेन्द्र कार्कीलाई दिएका छन्।

कार्कीले पाँचकर्ण राईलाई सामाजिक विकास मन्त्रीमा, एकराज कार्कीलाई ऊर्जा, सिंचाइ तथा खानेपानी मन्त्रीमा र गणेश उप्रेतीलाई भौतिक पूर्वाधार विकास मन्त्रीमा नियुक्त गरेका छन्।

यस्तै पर्यटन, वन तथा वातावरण मन्त्रीमा नारायणबहादुर मगर र आन्तरिक मामिला तथा कानुन मन्त्रीमा लिलावल्लभ अधिकारी नियुक्त भएका छन्।

मुख्यमन्त्री कार्कीले बन्दना झागरलाई पर्यटन, वन तथा वातावरण राज्यमन्त्री र सिर्जना राईलाई मुख्यमन्त्री कार्यालयमा राज्यमन्त्रीमा नियुक्त गरेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

दक्षिणी क्यालिफोर्नियाको नयाँ क्षेत्रमा आगलागी, युनिभर्सिटीलाई तत्काल खाली गर्न निर्देशन

भाटभटेनी सुपरमार्केटको कर प्रणाली ह्याक गरेको आरोपमा दुई जना पक्राउ

सुडान र इराकमा रहेका नेपाली शान्ति सैनिकहरूको अदलीबदली