काठमाडौं– मलेसियामा विषाक्त मदिरा सेवनका कारण मृत्यु हुने र उपचाररत नेपालीको सम्बन्धमा गएराति देखिनै निरन्तर जानकारी लिइरहेको श्रम, रोजगार तथा सामाजिक सुरक्षा मन्त्रालयले जनाएको छ।
_x000D_
_x000D_
मलेसियास्थित कुटनितिक नियोग मार्फत घटना तथा नेपालीहरुको मृत्युको सम्बन्धमा निरन्तर जानकारी लिइरहेको श्रम, रोजगार तथा सामाजिक सुरक्षा मन्त्री गोकर्ण विष्टले बताए।
_x000D_
_x000D_
मन्त्री विष्टले मृतकहरुको शवलाई छिट्टोगरी नेपाल ल्याउने व्यवस्था मिलाउन तथा बिरामी अवस्थामा रहेका नेपालीको उपचारमा कुनै कसर बाँकी नराख्न पनि निर्देशन दिएको जानकारी दिए।
_x000D_
_x000D_
यसैगरी, त्यहाँस्थित नेपाली दुतावासले स्थानीय प्रशासनसँग शव व्यवस्थापन र बिरामीको उपचारका लागि समन्वय गर्ने काम गरिरहेको पनि मन्त्रालयले बताएको छ।
_x000D_
_x000D_
कार्यवाहक राजदूत कुमार राज खरेलका अनुसार घटनाको अनुसन्धानका लागि सेलांगोर राज्यको प्रहरीले उच्चस्तरिय छानबिन समिति गठन गरिसकेको छ। समितिले शंकास्पद विभिन्न क्षेत्रबाट करिब १४ सय बोतल मदिरा बरामद गरी छानबीन अघि बढाएको छ। प्रहरीले शुक्रबार दिउँसोसम्म उक्त छानबिनको सुरुआती रिपोर्ट सार्वजनिक गर्ने बताएको पनि खरेलले जानकारी दिए।
_x000D_
_x000D_
मलेसियामा सोमबार विषाक्त रक्सी सेवनका कारण ६ नेपाली सहित २१ जनाको मृत्यु भइसकेको छ। मलेसियाली प्रहरीका अनुसार १४ जनाको अवस्था गम्भीर छ। १६ नेपालीकाे पनि उपचार भइरहेकाे कार्यवाहक राजदूत खरेलले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
