काठमाडौं– स्पेनिस ला–लिगा क्लब रियल मड्रिड च्याम्पियन्स लिगको क्वाटरफाइनलमा प्रवेश गरेको छ। बुधबार राति भएको खेलमा आरबी लेइपजिगसँग १–१ गोलको बराबरीमा रोकिए पनि समग्रमा २–१ को नतिजा निकाल्दै रियल क्वाटरफाइनलमा प्रवेश गर्यो।
लेगको दोस्रो खेलमा घरेलु टोली रियल मड्रिडले खेलको ६५औं मिनेटमा अग्रता लिएको थियो। बेलिङ्घमको पासमा भिनिसियस जुनियरले गोल गर्दै रियललाई अग्रता दिलाएका थिए। तर त्यसको ३ मिनेटपछि नै ६८ औं मिनेटमा लेइपजिगले गोल फर्कायो।
रौमको पासमा ओर्बानले गोल गरेपछि खेल १–१ को बराबरीमा आएको थियो। बाँकी समय दुबैतर्फबाट गोल नभएपछि खेल १–१ को बराबरीमा सकिएको थियो।
यसअघि भएको पहिलो खेलमा रियलले लेइपजिगलाई १–० ले हराएको थियो। सोही नतिजाले समग्रमा २–१ को जित निकाल्दै रियल क्वाटरफाइनल प्रवेश गर्यो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
