सेयर बजार फेरि लाग्यो ओरालोतिर

अर्थ समाचार

नेपाल लाइभ मंगलबार, फागुन २२, २०८० १५:५०

काठमाडौं– सत्ता गठबन्धन नयाँ बनेसँगै सोमबार सेयर बजारमा उत्साह देखिए पनि म‌ंगलबार फेरि पुरानै लयमा फर्केको छ। मंगलबार सेयर बजारमा भारी गिरावट आएको छ।

अघिल्लो दिन ११७ अंक बढेको नेप्से परिसूचक यस दिन भने ७० अंक घटेको हो। ७०.३१ अंक घटेपछि नेप्से २००७ अंकमा कायम भएको छ। कूल ४ अर्ब ११ करोड रुपैयाँ बराबरको कारोबार भयो।

३३ कम्पनीको मूल्य बढ्दा २१३ को घट्यो भने २ को स्थिर रह्यो। म्युचुअल फण्डबाहेक सबै क्षेत्रका सूचकहरु घटेका छन्। तीन समूहहरु हाइड्रोपावर, उत्पादन र अन्य समूह ४ प्रतिशतभन्दा धेरै घटेका छन्।

बैंकिङ ३, विकास बैंक ३.६, फाइनान्स २.७, होटल तथा पर्यटन ३.७, हाइड्रोपावर ४.३, लगानी ३.४, जीवन बीमा ३.४, उत्पादन ४.२, माइक्रोफाइनान्स १.२, निर्जीवन बीमा २.६, अन्य ४.३ र ब्यापार समूह २.१ प्रतिशत घटे।

गुराँस लघुवित्तको मूल्य ८.७, महिला लघुवित्तको ४.१, मोलुङ हाइड्रोपावरको ३.४ प्रतिशत मूल्य बढ्यो। बोटलर्स नेपाल बालाजु र जोशी हाइड्रोपावरको मूल्य १० प्रतिशत घट्यो। त्यस्तै बोटलर्स नेपाल तराईको मूल्य ९.४, प्रभु इन्स्योरेन्सको ८.६, बीपीडब्लू लघुवित्तको ८.३ प्रतिशत मूल्य घट्यो।

कारोबार रकमका आधारमा सोनापुर सिमेन्ट, शिवम् सिमेन्ट, घोराही सिमेन्ट, जोशी हाइड्रोपावर र हिमालयन रिइन्स्योरेन्स क्रमशः अगाडि रहन सफल भयो। नयाँ अर्थमन्त्री आउने भएकाले सोमबार केही उछाल आएको थियो। सोमबार सर्किट लागेर कारोबार नै बन्द गर्नु परेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

प्रदेश राज्यमन्त्रीको गाडी भारतमा दुर्घटनाः तीन जना घाइते

जोनले हात्ती महोत्सव खारेज गर्न आग्रह गर्दै किन लेखे नेपालका पर्यटनमन्त्रीलाई पत्र ?

आँधीका कारण मोजाम्बिकमा ७६ जनाको मृत्यु