काठमाडौं– आइतबार बिहानदेखि नै सिमसिम पानी पर्दै थियो। भृकुटी मण्डपमा बसेका मिटरब्याज पीडितहरु ठूलो पानी पर्दैन भन्नेमा ढुक्क थिए र त्रिपालमूनि बसिरहेकै थिए।
२५ दिन पैदल हिँडेर काठमाडौं आएका पीडित ९ दिनदेखि काठमाडौंका सडकमा खाली गोडा हिँडेर आन्दोलत रत छन्। आइतबार १२ बजेबाट भृकुटीमण्डपबाट भद्रकाली सहिदगेट त्यसपछि एनएसी हुँदै जमलबाट बालुवाटरसम्म पुग्ने योजना थियो। तर बिहानदेखि परेको झरीले रोकेको थियो।
-1709472454.jpg)
सबैजसो पीडितहरु त्रिपाल मुनि नै थिए। कोही पीडित खाना खाँदै थिए। मध्यान्नतिर एक्कासी ठूलै पानी वर्षिन थाल्यो। भेल पसेर पीडितहरु बसिरहेको भुँइमा ओछ्याएको सारा कार्पेट भिँज्न थालेको थियो। त्यसपछि सबैले आ–आफ्ना लत्ताकपडा पोको पारेर पानीले नभिँज्ने गरी ओत लगाए।
कोही पोका–पन्तरा बोकेर उभिँदै ओत लागे। करिब एक घण्टापछि पानी मथ्थर भयो। झल्याक झुलुक्क घाम पनि देखिन थाल्यो। पीडितहरुले भिजेर हिलाम्मे भएका कार्पेट घिसार्दै त्रपालमुनिबाट बाहिर निकाले। र बाहिर चिसो भुइँमा थुपारे।
-1709472450.jpg)
त्रिपालभित्र पसेको भेललाई सोहोरेर फ्याँके र भुँइ ओभानो बनाउँदै थिए। केही त्यही हिलो भुइँमाथि म्याट ओछ्याएर फुको चिउँरा चपाउँदै बसेका थिए।
बाहिर चिसो भुइँमा प्लास्टिक बिछ्याएर बसिरहेकी पीडित गुलाबदेवी सुतिहार आफू चिसोले बिरामी परिरहेका बेला पानीले भिँजेर थप बिराम थपिने बताउँछिन्। ‘पानी परेर अलिअलि भिजियो। चिसो भुइँमा सुतेर खोकी एसै बढेको छ। अब त कार्पेट पनि भिजिगयो। आजको रात कसरी कटाउने,’ उनी सुनाउँछिन्।
-1709472451.jpg)
अर्का चम्पादेवी पासवान दुईदिनदेखि डाएरिया भएर बिरामी परेको सुनाउँछिन्। ‘२ दिनदेखि जिवनजल खाइरहेकी छु। अब भिँजेको कार्पेटमाथी बस्नुपर्दा झन के हुन्छ होला? हामीलाई सरकारले न्याय दिन सकेन। अहिले सरकार के हेरेर बसिरहेको छ। यहाँ आवस् हाम्रो बिजोग हेर्न,’ उनले भनिन्, ‘अब फेरी पानी पर्यो भने सिधै सिंहदरबारभित्र जानुपर्छ।’
आफ्नो सामान सुरक्षित पार्नलाई बोरामा सामान राखेर सिलाउँदै थिए रामप्रताप कुशहवा। ‘फेरी भित्र बाढी पस्यो भने बोकेर हिँड्न सजिलो हुन्छ। सामान पनि हराउने डर भएन,’ उनले थपे, ‘साहुले पनि ठग्यो भगवानले पनि अब सरकारले बाँकी छ।’
-1709472451.jpg)
पछिल्लो पटक ३४ दिनदेखि निरन्तर आन्दोलनमा रहेका उनी सरकारले व्यवस्थित ठाउँ दिन नसके पनि आफूहरुलाई न्याए दिलाए ठूलो उन्मुक्ति पाउँने बताउँछन्। मिटरब्याज पीडित सबैको समस्या एउटै भएको र सरकार समक्ष मागहरु राखिकेकाले ती मागलाई सम्बोधन गर्नुपर्ने बताउँछन्।
‘न्याय पाउन जस्तो सुकै दुःख पनि भोग्न तयार छु। पानीमा भिजेरै पनि बस्न तयार छु। तर न्याय चाहियो,’ उनी भन्छन्। यता पीडितहरुको नेतृत्व गर्ने मिटरब्याज पीडित संघर्ष समितिका सदस्य अजय कार्की फेरि पानी पर्न सक्ने सम्भावना रहेकाले समितका अध्यक्ष लगायतको टोलीले बासको विकल्प खोजिरहेको बताउँछन्।
-1709472450.jpg)
‘अर्को स्थानमा सर्नका लागि विकल्पको खोजीमा हुनुहन्छ। तर यसरी घरीघरी सारीरहँदा मनोवैज्ञानिक रुपमा असर पर्नसक्छ। सरकारले आफूहरुलाई पटकपटक वार्तामा बोलाएर निष्कर्ष विहीन टुङिगएको छ’, मिटरब्याज पीडितहरुको नेतृत्व गर्ने मिटरब्याज संघर्ष समितिका सदस्य अजय कार्कीले बताए।
फागुन १३ गतेदेखि १५ गतेसम्म संघर्ष समितिका केन्द्रीय अध्यक्ष अवधेश कुशवाहासहित पीडितका तर्फबाट ९ जनाको टोली र सरकारबीच वार्ता भएको थियो। गृह मन्त्रालयको प्रशासन महाशाखा सहसचिव रुद्रप्रसाद पण्डितसँग भएको उक्त वार्ता निष्कर्षविहीन भएको कार्कीको भनाइ छ।
-1709472449.jpg)
१४ गते भृकुटीमण्डपमा बस्न नदिने भनेपछि मिटरब्याज पीडित आफूहरु वार्तामा नगएको बताउँछन्। १६ गते बुधबार गृह मन्त्रालयका सहसचिव तथा प्रवक्ता नारायणप्रसाद भट्टराईको नेतृत्वमा वार्ता भएको थियो। उक्त वार्ता पनि निष्कर्षविहीन टुङगिएको उनको भनाइ छ।
-1709472449.jpg)
-1709472448.jpg)
-1709472448.jpg)
-1709472447.jpg)
-1709472447.jpg)
-1709472446.jpg)
-1709472446.jpg)
-1709472446.jpg)
-1709472445.jpg)
-1709472445.jpg)
-1709472444.jpg)
-1709472444.jpg)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778409050-1778409499.jpeg)
-1764146706.png)
