चितवनका किसानले सडकमा दूध पोखेर विरोध गर्दै मागे कृषिमन्त्रीको राजीनामा

कृषि

नेपाल लाइभ आइतबार, फागुन ६, २०८० १५:१४

काठमाडौं– चितवनका किसानले दूध पोखेर विरोध गर्दै कृषि मन्त्रीको राजीनामा माग गरेका छन्। दूध बिक्री हुन गाह्रो भएको र बिक्री भएको दूधको पनि लामो समयदेखि पैसा नपाएको विरोधमा आइतबार चितवनका दुग्ध उत्पादक किसानहरूले सडकमा दूध पोखेर विरोध जनाएका छन्।

दूध उत्पादक किसानका समस्या समाधानमा कृषिमन्त्री उदासिन रहेको भन्दै राजीनामा माग गरेको चितवन जिल्ला दुग्ध उत्पादक सहकारी संस्था लिका अध्यक्ष किशोर बगालेले बताए।

doodh-(1)-1708248498.png

किसानका समस्या सुल्झाउन सरकार संवेदनशील नभएको देखेका कारण ध्यानाकर्षण होस् भनेर बाध्य भएर दुई क्यान अर्थात् ८० लिटर दूध सडकमा पोखेर विरोध जनाएको बगालेको भनाइ छ।

चितवनका दूध किसानले साउनयता दूधको भुक्तानी पाउन नसकेको र विभिन्न डेरी उद्योगहरूले दूध लगे वापत चितवनका किसानलाई ५२ करोड रूपैयाँ भुक्तानी दिन बाँकी रहेको बगालेले जानकारी दिए।

doodh-(2)-1708248496.png

चितवनमा दैनिक तीन लाख ५० हजार लिटर दूध उत्पादन हुन्छ। दुई चार दिनयता डेरी उद्योगले दूध लैजान बन्द गरेकाले ‘मिल्क होलि डे’ मनाउन बाध्य भएको बगालेले बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

चिकित्सक संघद्वारा थप आन्दोलनको घोषणा

शिक्षक आन्दोलन : तीन दिनभित्र शिक्षकका जायज माग पूरा गरी विद्यालय फर्काउने वातावरण सुनिश्चित गर्न सर्वोच्चको आदेश

रुकुम पूर्व केन्द्रविन्दु भएर भूकम्प