जिरोनालाई हराउँदै उपाधि होडमा बलियो बन्यो रियल मड्रिड

फुटबल

नेपाल लाइभ आइतबार, माघ २८, २०८० ११:३२

काठमाडौं– स्पेनिस ला–लिगामा रियल मड्रिडले जिरोनालाई हराउँदै उपाधि होडलमा आफूलाई बलियो बनाएको छ। शनिबार राति भएको खेलमा दोस्रो स्थानमा रहेको जिरोनालाई रियलले ४–० गोल अन्तरले हरायो।

रियलका लागि जड बेलिङ्घमले २ तथा भिनिसियस जुनियर र रोड्रिगोले १–१ गोल गरे। खेलको छैटौं मिनेटमा भालभर्देको पासमा भिनिसियसले गोल गर्दै रियललाई अग्रता दिलाएका थिए। भिनिसियसकै पासमा ३५ औं मिनेटमा बेलिङ्घमले गोल गरेपछि रियलले अग्रता दोब्बर बनायो। ५४औं मिनेटमा बेलिङ्घमले अर्को गोल थपे। ६१औं मिनेटमा भिनिसियसकै पासमा रोड्रिगोले गोल गरेपछि रियलले ४–० को सानदार जित निकाल्यो।

जितसँगै रियल उपाधि होडलमा बलियो देखिएको छ। २४ खेलबाट ६१ अंकसहित रियल शीर्ष स्थानमा छ। समान खेलबाट ५६ अंकसहित जिरोना दोस्रो स्थानमा छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

वर्षा कुँवरलाई ‘मिसेस ब्यूटी क्वीन’को उपाधि

रवि लामिछाने चितवन अदालतमा उपस्थित

सुनको मूल्य तोलामा २ हजार २ सयले बढ्यो, चाँदीको कति ?