काठमाडौं– स्पेनिस ला–लिगामा जिरोना र एथ्लेटिको मड्रिडले जित निकालेका छन्। सोमबार राति भएको खेलमा जिरोनाले सेभिल्लामाथि ५–१ को जित निकाल्यो भने एथ्लेटिको मड्रिडले ग्रानाडालाई १–० ले हरायो।
जिरोनाको जितमा अर्टेम डोभ्कीले ह्याट्रिक गरे भने भिक्टोर टिस्याङ्कोभले १ र स्टुआनीले १ गोल गरे। सेभिल्लाको लागि १ मात्र गोल इसाक रामेरोले गरे।
एथ्लेटिको मड्रिडलाई जिताउने क्रममा खेलको १ मात्र गोल अल्भारो मोराटाले गरे। ५४औं मिनेटमा ग्रिजम्यानको पासमा गोल गर्दै मोराटाले एथ्लेटिको मड्रिडलाई जिताए।
जितसँगै जिरोना शीर्ष स्थानमा छ। २१ खेलबाट ५२ अंकसहित जिरोना शीर्ष स्थानमा रहँदा एक खेल कम खेलेको रियल मड्रिड ५१ अंकसहित दोस्रो स्थानमा छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
