काठमाडौं– धनगढी, पोखरा थन्डर्ससहित काठमाडौं रेजर्सले नेपाल सुपर लिग (एनएसएल) को दोस्रो सिजनमा फाइनल पुग्ने विश्वास गरेका छन्।
आइतबार यस सिजन प्लेअफमा पुगेका चार टोलीको पत्रकार सम्मेलनमा डिफेन्डिङ च्याम्पियन काठमाडौं रेजर्ससहित शीर्ष दुई स्थानमा रहेर पहिलो क्वालिफायर खेल्न लागेका पोखरा थन्डर्स र धनगढी एफसीले फाइनलमा पुग्ने विश्वास गरेका हुन्।
सोमबार नै पहिलो क्वालिफायरमा पोखरा थन्डर्स र धनगढीबीच प्रतिष्पर्धा हुँदैछ। धनगढीका प्रशिक्षक युगलकिशोर राईले गत संस्करणमा चुके पनि यसपटक जसरी पनि ट्रफी उचालेरै छोड्ने बताए। प्रशिक्षक राईले अब लिग चरणको प्रदर्शनले खासै अर्थ नराख्ने उल्लेख गर्दै सोमवार राम्रो प्रदर्शन गर्ने टोलीले नै नतिजा आफ्नो बनाउने विश्वास व्यक्त गरे।
यता, धनगढीका कप्तान देवेन्द्र तामाङ भने जित्नैका लागि मैदान उत्रिने उल्लेख गर्दै सोमबारको खेललाई सहज रूपमा लिएका नलिएको बताए। लिगमा पोखरा र धनगढीले १–१ को बराबरी खेलेका थिए। पहिलो क्वालियफायरको विजेताले सिधै फाइनलमा स्थान बनाउनेछ। पराजित हुने टोलीले दोस्रो क्वालिफायर खेल्ने मौका पाउनेछ।
पोखरा थण्डर्सका प्रशिक्षक नवीन न्यौपाने प्लेअफ खेल सहज नहुने धारणा राख्छन्। प्ले अफमा पुग्ने सबै टोली बराबर जस्तै रहेको उनको धारणा छ। सबै टोली सेट भइसकेकाले प्लेअफ खेल्न सहज नहुने उनी बताउँछन्। पाएको अवसर सदुपयोग गर्नसक्ने टोलीले नै जित निकाल्ने प्रशिक्षक न्यौपानेले बताए।
पोखराका कप्तान दिनेश राजवंशीले टोलीलाई फाइनल पुर्याउने लक्ष्य रहेको उल्लेख गर्दै लिगको शीर्ष स्थानमा रहनुले मनोबल बढ्ने धारणा राखे। उनले केही दिनको आराम केही सहज भएको उल्लेख गरे।
धनगढीको सामना गर्न आफ्नो टोली पूर्ण तयार रहेको बताए। मंगलबार इलिमिनेटरमा डिफेन्डिङ च्याम्पियन काठमाडौं रेजर्स र ललितपुर सिटी एफसी भिड्दैछन्। लिग चरणमा काठमाडौं तेस्रो र ललितपुर चौथो स्थानमा रहेका थिए। काठमाडौं रेजर्सका प्रशिक्षक बालगोपाल महर्जनले टोलीको लक्ष्य उपाधि रक्षा गर्ने रहेको बताए।
ललितपुरलाई हराएर इलिमिनेटर खेलेकाले सोही स्प्रिड र इफोर्ट मंगलबार पनि दोहोर्याउने उनको विश्वास छ। ललितपुरविरुद्ध शतप्रतिशत दिने उनको भनाइ छ। काठमाडौं रेजर्सका कप्तान अञ्जन राई पनि टोलीको लक्ष्य उपाधि रक्षा गर्नु रहेको धारणा राख्छन्।
लक्ष्य उपाधि रक्षा गर्ने रहेकाले सोहीअनुरूपको प्रदर्शन गर्ने उनको विश्वास छ। लिग चरणमा पहिलो वा दोस्रो स्थानमा रहने लक्ष्य भएपनि वीरगञ्जसँगको हारले त्यो पूरा हुन नसकेको उनको भनाइ थियो।
लिग चरणको अन्तिम खेलमा ललितपुलाई १–० ले पराजित गर्दै काठमाडौंले प्ले अफमा स्थान बनाएको थियो। ललितपुरका प्रशिक्षक इयान गिलान काठमाडौंविरुद्ध उत्कृष्ट प्रदर्शनको आशामा छन्। गर या मर अवस्थामा धेरै तनाव नलिइ सकारात्मक भएर खेल्ने उनको लक्ष्य छ।
पछिल्लो केही खेलमा राम्रो प्रदर्शन भए पनि गोल भने निस्कन नसकेको उनको भनाइ थियो। केही गल्तीहरुलाई सुर्धादै उत्कृष्ट प्रदर्शन गर्ने प्रयास रहने उनी बताउँछन्। ललितपुरका मार्की तथा कप्तान अनन्त तामाङ गल्तीहरुलाई सुधार्दै उत्कृष्ट प्रदर्शन गर्ने बताउँछन्। पछिल्ला चार खेलमा गोल नभएकाले गल्तीहरुलाई सुधार गर्दै टोली स्कोर निकाल्ने लक्ष्यमा छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
