कमब्याक जित निकाल्दै ३ वर्षपछि बार्सिलोना च्याम्पियन्स लिगको नकआउट चरणमा

फुटबल

नेपाल लाइभ बुधबार, मंसिर १३, २०८० १४:१६

काठमाडौं- स्पेनिस ला-लिगा क्लब बार्सिलोना तीन वर्षपछि यूईएफए च्याम्पियन्स लिगको नकआउट चरणमा प्रवेश गरेको छ। नेपाली समयअनुसार मंगलबार राति भएको खेलमा पोर्चुगिज क्लब पोर्तोमाथि २-१ को कमब्याक जित निकाल्दै बार्सिलोना नकआउट चरणमा प्रवेश गरेको हो।

खेलको ३०औं मिनेटमा कोसा पेपेले गोल गर्दै पाहुना टोली पोर्तोलाई अग्रता दिलाएका थिए। लगत्तै त्यसको २ मिनेटपछि ३२औं मिनेटमा पेड्रीको पासमा जाओ कान्सेलोले गोल गरेपछि खेल १-१ को बराबरीमा आयो।

दोस्रो हाफमा बार्सिलोनाले थप १ गोल गरेपछि नतिजा आफ्नो पक्षमा पार्‍यो। दोस्रो हाफको ५७औं मिनेटमा कान्सेलोकै पासमा जाओ फेलिक्सले गोल गर्दै बार्सिलोनालाई अग्रता दिलाए।

बाँकी समय दुवै पक्षबाट गोल नभएपछि बार्सिलोनाले २-१ को नतिजा निकाल्यो। जितसँगै समूह ‘एच’मा पाँच खेलबाट १२ अंकसहित शीर्ष स्थानमा रहँदै तीन वर्षपछि बार्सिलोना च्याम्पियन्स लिगको नकआउट चरणमा प्रवेश गरेको छ।
यही समूहका पोर्तो र शाख्तर डोनेस्क समान ९ अंकका साथ दोस्रो र तेस्रो स्थानमा छन्। रोयल एन्टवर्प भने अंकविहीन हुँदै पुछारमा छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सेती नदीमा ट्याक्टर खस्दा तीन जना घाइते, दुई बेपत्ता

पश्चगामी सोचसहित आएका संविधान संशोधनका तर्क स्वीकार्य छैन: राष्ट्रिय सभा अध्यक्ष दाहाल

बझाङको माझीगाउँ केन्द्रविन्दु भएर भूकम्प