जर्जियालाई हराउँदा स्पेनलाई ठूलो धक्का, गाभीले युरो कप समेत गुमाउने

फुटबल

नेपाल लाइभ सोमबार, मंसिर ४, २०८० ११:०४

काठमाडौं– युरो कप छनोटअन्तर्गतको अन्तिम खेलमा स्पेनले जर्जियामाथि ३–१ को जित निकालेको छ। समूह ‘ए’ को अन्तिम खेलमा जर्जियामाथि जित निकाल्दै समूह विजेता बनेर स्पेन युरो कपमा छनोट भएको छ।

खेलको चौथो मिनेटमै फेरान टोरेसको पासमा नोमर्‍याण्डले गोल गरेपछि स्पेनले अग्रता लिएको थियो। तर १०औं मिनेटमा कारात्सखेलियाले गोल गरेपछि खेल बराबरीमा आयो।

दोस्रो हाफको ५५औं मिनेटमा गायाको पासमा टोरेसले गोल गरेपछि स्पेनले पुनः २–१ को अग्रता बनायो। ७२औं मिनेटमा जर्जियाका लोचोस्भिलले आत्मघाती गोल गरेपछि स्पेनले खेल ३–१ गोलले जित्दै समूह विजेता बनेर युरो कप छनोट टुंग्याएको छ।

तर यो खेल स्पेन र बार्सिलोनाका लागि भने निकै महँगो सावित भयो। स्पेन तथा बार्सिलोनाका मिडफिल्डरका मुख्य हतियार गाभीले गम्भीर घोट बोकेका छन्। बल नियन्त्रणमा लिने बेलामा घुँडामा गम्भीर चोट बोक्दै उनी २६औं मिनेटमा मैदानबाट बाहिरिएका थिए।

गाभीको चोट गम्भीर रहेको र लामो समय मैदान बाहिर रहने बताइएको छ। आगामी जुनमा जर्मनीमा हुने युरो कप समेत गाभीले गुमाउने भएका छन्। यता बार्सिलोनाका लागि यो पुरै सिजन गाभी मैदान बाहिर हुने भएका छन्।

मुख्य खेलाडी गाभी करिब ८ महिनासम्म मैदान बाहिर हुने भएपछि स्पेन र बार्सिलोनालाई तनाव थपिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

रविलाई हिरासत पठाइयो, प्रहरी कार्यालयबाहिर समर्थकको नाराबाजी

चितवनमा रविको बयान सकियो, थुनछेक बहस आजैबाट

महिला टी-२०आई शृंखला : पाँच खेल खेल्दा पनि जितविहीन नेपाल, पाँचौं खेलमा नेदरल्याण्ड्ससँग १० विकेटले पराजित