बारामा गोली हानी शिक्षक हत्या प्रकरण: हत्यामा संलग्न पाँच जना अभियुक्त सार्वजनिक

सुरक्षा/अपराध

नेपाल लाइभ बुधबार, कात्तिक १५, २०८० २०:३५

काठमाडौं– बारामा शिक्षक रुपेश सर्राफको गोली हानी हत्या गरेको घटनामा संलग्न पाँच जना अभियुक्तलाई प्रहरीले सार्वजनिक गरेको हो।

बाराको कलैया उपमहानगरपालिका -६ मदर्शा टोलमा बाल एकता ईङगलिस बोडिङ स्कुलका सञ्चालक तथा प्रधानाध्यापक ३५ वर्षीय गुड्डु भनिने सर्राफको हत्या गरेको घटनामा संलग्न भएको अभियोगमा मुख्य योजनाकारसहित ५ जनालाई प्रहरीले पक्राउ गरी बुधबार सार्वजनिक गरेको हो।

पक्राउ पर्नेहरूमा कलैया उपमहानगरपालिका-६ मदर्शा टोल बस्ने २२ वर्षीया राधा गुप्ता, ३४ वर्षीय जामिल अख्तर, सोही उपमहानगरपालिका-९ रामपुर बस्ने २६ वर्षीय रियाज अंसारी, भारत मोतिहारी पूर्वी चम्पारण थाना घोडासहन गाउँ जागिराकोटी बस्ने २३ वर्षीय चन्दन कुमार र भारत मोतिहारी पूर्वी चम्पारण थाना घोडासहन गाउँ बहार्वाकाला-१२ बस्ने २३ वर्षीय अभिनव कुमार राजपुत रहेका छन्।

मदर्शा टोलमा गोली प्रहारबाट सोमबार दिउँसो गम्भीर घाइते भएका रूपेशको नारायणी मेडिसिटि बयोधा हस्पिटल वीरगंजमा उपचारको क्रममा मृत्यु भएको थियो भने घटनास्थलबाट ४ थान गोलीको खोका बरामद भएको थियो।

उनीहरूमध्ये राधा गुप्ता मुख्य योजनाकार र सूचना आदानप्रदान गर्ने, जामिल अख्तर र रियाज अंसारी सहयोगी तथा चन्दन कुमार र अभिनव कुमार राजपुत सुटर ग्याङको सदस्य रहेको प्रारम्भिक अनुसन्धानको क्रममा खुल्न आएपछि प्रहरीले उनीहरूलाई पक्राउ गरेको हो।

साथै विवाहेत्तर प्रेम सम्बन्ध एवम् रिसइबीको कारण उक्त घटना भएकोसमेत खुल्न आएको प्रहरीले जनाएको छ।

साथै भारत मोतिहारी दर्पा थाना-१ सुक्लहिया बस्ने २५ वर्षीय सुजित कुमार सिंह, २४ वर्षीय चन्चल पाण्डे, २२ वर्षीय मनिष कुमार सहनी र २० वर्षीय कामेश्वर सहनी गोली प्रहार गर्न संलग्न रहेको खुल्न आएको जिल्ला प्रहरी कार्यालय बाराले जनाएको छ।

यस सम्बन्धमा प्रहरीले थप अनुसन्धान गरिरहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

दल विभाजनसम्बन्धी अध्यादेश ल्याउन लाग्यो भनेर नकारात्मकता फैलाइएको छ : प्रधानमन्त्री ओली

५८ जिल्लामा भूमि आयोगका अध्यक्ष नियुक्त

विपिन जोशी सकुशल रहेको परराष्ट्रमन्त्रीको दाबी, फर्केर आउने आश्वासन