काठमाडौं– चालू आर्थिक वर्षको साउन १ गतेदेखि २८ गतेसम्म नेपालले ३० टन गोलभेँडा भारततर्फ निर्यात गरेको छ।
उत्पादनमा आएको गिरावटले भारतमा गोलभेँडाको मूल्य उच्च भएपछि काँकडभिट्टा र भैरहवा नाकाबाट उक्त परिमाणको गोलभेँडा निर्यात भएको कृषि तथा पशुपक्षी विकास मन्त्रालयले जनाएको छ।
मन्त्रालयका अनुसार तरकारी बालीलाई भारतले प्लान्ट क्वारेन्टाइन अर्डर सूचीमा समावेश गरेपछि नेपालबाट गोलभेँडा निर्यात हुन थालेको हो।
‘गोलभेँडा, हरियो मटरकोसा, हरियो खुर्सानीलगायत तरकारी बालीलाई प्यान्ट क्वारेन्टाइन अर्डर सूचीमा समावेश गरेर सहजीकरण गर्न नेपालबाट पटक–पटक अनुरोध गर्दै आएका थियौं,’ मन्त्रालयकी प्रवक्ता सबनम सिवाकोटीले भनिन्, ‘भारतले शर्तसहित केही निश्चित समयलाई आयात खुला गरेपछि निकासी सुरु भएको हो।’
यसलाई निरन्तरता दिन थप पहल भइरहेको उनको भनाइ छ। निर्यातलाई निरन्तरता दिन सकेमा व्यापार घाटा कम गर्न मद्दत पुग्ने र यहाँका किसानलेसमेत राम्रो मूल्य पाउने उनले बताइन्।
गोलभेँडाको भाउ नपाएको भन्दै असार ३ गते किसानले कालीमाटी फलफूल तथा तरकारी बजार विकास समितिमा गोलभेँडा फालेरै विरोध जनाएका थिए।
त्यसबेला कालीमाटी तरकारी बजारमा टनेल गोलभेँडाको न्यूनतम मूल्य प्रतिकिलो ६ रुपैयाँ र अधिकतम १० रुपैयाँ थियो। २ रुपैयाँमा पनि नबिकेको भन्दै किसानले गोलभेँडा फालेर विरोध गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764947412.jpg)
-1764146706.png)
-1763721444.png)
-1766648928.png)
