पेट्रोलमा ९ र डिजेलमा ७ रुपैयाँ वृद्धि, ग्यास भने १३० रुपैयाँले घट्यो

अर्थ समाचार

नेपाल लाइभ मंगलबार, साउन १६, २०८० २०:४७

काठमाडौं– पेट्रोल र डिजेलमा मूल्य वृद्धि भएको छ। भारतबाट इन्धनको मूल्य बढेर आएपछि नेपाल आयल निगमले पेट्रोले र डिजेलमा मूल्य बढाएको हो।

निगमका अनुसार पेट्रोलमा प्रतिलिटर ९ रुपैयाँ र डिजेलमा प्रतिलिटर ७ रुपैयाँ बढेको छ। यस्तै ग्यासमा भने निगमले मूल्य घटाएको छ।

ग्यासमा प्रतिसिलिन्डर १३० रुपैयाँले मूल्य घटेको निगमले जनाएको छ। घटेको मूल्य मंगलबार राति १२ बजेदेखि लागू हुने छ।

हाल १६४ रुपैयाँ प्रतिलिटर रहेकोमा अब १७३ रुपैयाँमा बिक्री हुनेछ। यस्तै डिजेल १४६ रुपैयाँ रहेकोमा अब ७ रुपैयाँले वृद्धि भएर १५३ रुपैयाँमा बिक्री हुनेछ।

यस्तै ग्यासको मूल्य हाल प्रतिसिलिन्डर १७ सय ९० रुपैयाँ रहेको छ। अब नयाँ मूल्य अनुसार १६ सय ६० रुपैयाँमा उपलब्ध हुने निगमले जानकारी दिएको छ।

359030977_282278321158203_5082587227575639645_n1690902084.jpg

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अटो रिक्सा दुर्घटनामा एक जनाको मृत्यु, २ जना घाइते

बागमती गोल्डकप आगामी शनिबार देखि सुरु हुँदै

विभिन्न आठ वटा संसदीय समितिको बैठक बस्दै