संसद्‌मा एमालेको प्रश्न– सुन तस्करी प्रकरणमा कृष्णबहादुर महराका बाबुछोरामाथि किन अनुसन्धान भएन?

राजनीति

नेपाल लाइभ बुधबार, साउन १०, २०८० १५:२९

काठमाडौं– नेकपा एमालेले सुन तस्करी प्रकरणमा नेकपा माओवादी केन्द्रका नेता कृष्णबहादुर महरा र उनका छोरा राहुल महराको संलग्नताबारे कुरा उठाएको छ। बुधबारको प्रतिनिधि सभा बैठकमा पार्टीका तर्फबाट धारणा राख्दै एमाले प्रमुख सचेतक पदम गिरीले विद्युतीय चुरोटमा सुन राखेर ल्याइएको र विमानस्थलमा अलपत्र हुँदा महराका छोराले पटक पटक फोन गरेर लिलामी गर्न दबाब दिएकाले उनीहरु पनि संलग्न भएको दाबी गरे।

‘कृष्णबहादुर महराको बाबु छोराले सुन बाहिर लैजान धेरै पटक फोन गरेको अभियोगपत्रमा पनि उल्लेख छ,’ गिरीले भने, ‘तस्करीको सुन लिलामा लैजान दबाब किन दिनु भयो? यसमा किन छानबिन भएन र बयान समेत गराइएन।’

सुन तस्करीमा कर्मचारीको मिलेमतो रहेको भन्दै उनले कसरी विमानस्थल भित्रैबाट सुन बिक्री भयो भनि उनले प्रश्न गरे। उनले यो प्रकरणमा नेपाल प्रहरीको केन्द्रीय अनुसन्धान ब्यूरो (सीआईबी)ले छानबिन गरिरहेको, तर महराका बाबु छोरालाई बयान समेत नगराइ छोडेको भनि उनले प्रश्न गरे।

चिनियाँ नागरिकसँग १९५ पटक फोनमा कुराकानी भएको भन्दै उनीहरुमाथि किन अनुसन्धान नगरेर उन्मुक्ति दिइयो भनेर प्रश्न गरे।

‘निर्दोषहरुलाई खोजी खोजी कारबाही हुने गरेको, तर ठूला माछाहरु उम्किँदै आएका छन्,’ उनले भने, ‘भन्न्सारका कर्मचारी भक्तिलाल श्रेष्ठले बयानमै महराको छोराले पटक–पटक फोन गरेको बताएका छन्। तर किन अनुसन्धानाको दायरमा ल्याइएन।’

विगतमा महराको चिनियाँ व्यपारीसँग पैसा डिल गरेको कुरा अडियोसहित बाहिर आएको भन्दै सत्ताको आडमा अनुसन्धान नहुने गरेको आरोप लगाउँदै अहिले पनि सुन प्रकरणमा गृहमन्त्री नारायणकाजी श्रेष्ठ र अर्थमन्त्री प्रकाशशरण महतमाथि प्रश्न उठेको बताए।
उहाँहरु कुनै पनि अवस्थामा पदमा बस्ने नैतिकता नदेखिएको उनले दाबी गरे।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

रविलाई हिरासत पठाइयो, प्रहरी कार्यालयबाहिर समर्थकको नाराबाजी

चितवनमा रविको बयान सकियो, थुनछेक बहस आजैबाट

महिला टी-२०आई शृंखला : पाँच खेल खेल्दा पनि जितविहीन नेपाल, पाँचौं खेलमा नेदरल्याण्ड्ससँग १० विकेटले पराजित