काठमाडौं– अखिल नेपाल फुटबुल संघ (एन्फाले) दुई उमेर समूहका टोलीका लागि मुख्य प्रशिक्षक नियुक्त गरेको छ। दक्षिण एसियाली फुटबल प्रतियोगिता साफका लागि घोषित नेपाली यू–१९ र यू–१६ टोलीका लागि मुख्य प्रशिक्षक नियुक्त गरेको हो।
जसमा यू–१९ टोलीको मुख्य प्रशिक्षकमा सुनिल श्रेष्ठलाई नियुक्त गरिएको छ भने यू–१६ टोलीको मुख्य प्रशिक्षकमा रविन्द्र सिलाकरलाई नियुक्त गरिएको हो।
श्रेष्ठ यसअघि जावलाखेल यूथ क्लबको मुख्य प्रशिक्षकमा थिए भने सिलाकर संकटा क्लबको सहिद स्मारक एक डिभिजन लिगको मुख्य प्रशिक्षक रहेका थिए।
एन्फाका सदस्य सचिव किरण राईले दुवैजनालाई सोमबार नियुक्ति पत्र दिएका हुन्। यस्तै सिताराम घिमेरेलाई यू–१६ को सहायक प्रशिक्षक र गंगाराम देउजालाई गोलरक्षकको प्रशिक्षकमा नियुक्त गरिएको छ।
सचिन्द्र धिमाल यू–१९ टिमको सहायक प्रशिक्षक र राजु सिंहलाई गोलरक्षकको प्रशिक्षक मनोनयन गरिएको छ। दिवाकर घलेलाई टिम म्यानेजरमा नियुक्त गरिएको छ।
यस्तै श्रेष्ठलाई आगामी सेप्टेम्बर २१ देखि ३० सम्म काठमाडौं हुने साफ यू–१९ च्याम्पियनसिपको इन्चार्ज तोकिएको छ।
यसैबीच दक्षिण एसियाली फुटबल महासंघले दुवै प्रतियोगिताको तालिकासमेत सार्वजनिक गरेको छ।
तालिका अनुसार नेपालले यू–१६ को पहिलो खेल बंगलादेशसँग र यू–१९ को पहिलो खेल पाकिस्तानसँग खेल्ने भएको छ।
अनुसार यू–१६ मा नेपाल रहेको समूह ‘ए’ मा भारत र बंगलादेश छन्। यू–१६ प्रतियोगिता भुटानको थिम्पुमा सेप्टेम्बर १ देखि १० सम्म हुदैछ। यू–१६ मा सेप्टेम्बर २ मा बंगलादेशसँग खेल्ने नेपालले सेप्टेम्बर ५ मा भारतसँग खेल्नेछ।
यस्तै, यू–१९ मा नेपाल, माल्दिभ्स र पाकिस्तान सम्मिलित समूह ‘ए’मा परेको छ। यो प्रतियोगिता नेपालको काठमाडौंमा सेप्टेम्बर २१ देखि ३० सम्म हुँदैछ।
यू–१९ मा सेप्टेम्बर २१ मा पाकिस्तानसँग खेल्ने नेपालले सेप्टेम्बर २५ मा माल्दिभ्ससँग खेल्नेछ। नेपालले यसवर्ष साफको उमेर समूहको यू–१९ प्रतियोगिताको आयोजना गर्दैछ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
