काठमाडौं– नेपाली कांग्रेसका महामन्त्री गगन तापाले नक्कली भुटानी शरणार्थी प्रकरणमा जोडिएर पुर्पक्षका लागि थुनामा रहेका र अनुसन्धानको दायरामा रहेका नेतालाई निलम्बन गर्न प्रस्ताव गरेका छन्।
सोमबार महामन्त्री थापाले केन्द्रीय कार्यसमिति बैठकमा सुशासन र भ्रष्टाचार नियन्त्रणका लागि १३ बुँदे लिखित धारणा प्रस्तुत गर्दै उक्त प्रकरणमा जोडिएकालाई तत्काल निलम्बन गर्नुपर्ने प्रस्ताव गरेका हुन्।
उनले भनेका छन्, ‘नक्क्ली भुटानी शरणार्थी प्रकरणमा संलग्न भएको अभियोगमा पुर्पक्षका लागि थुनामा रहेका तथा अनुसन्धानको दायरामा आएका कुनै पनि तहका नेता, कार्यकर्ता वा सदस्यलाई पार्टीबट निलम्बन गरौं । जसरी संसदबाट निलम्बन हुन्छ त्यसरी पार्टीबाट पनि हुन्छ।’
महामन्त्री थापाले कांग्रेस संसदीय व्यवस्था मान्ने राजनीतिक शक्त भएकाले संसदीय मामिलामा जे जसरी विषय व्यवस्थापन गरिएको छ त्यसलाई पार्टीले पनि मान्नुपर्ने बताए। प्रतिनिधिसभा नियमावली २०७९ मा पुर्पक्षका लागि थुनामा परेका सांसदलाई निलम्बन गर्ने व्यवस्था छ।
कांग्रेसका केन्द्रीय सदस्य तथा पूर्व गृहमन्त्री बालकएष्ण खाण र पूर्व सांसद आङटावा शेर्पा नक्कली भुटानी शरणार्थी प्रकरणमा पुर्पक्षका लागि थुनामा रहेका छन्। बैठकमा खाणलाई निलम्बन गर्नुपर्ने माग उठे पनि देउवा पक्षका नेताहरु भने महामन्त्रीहरुमाथि नै खनिँदै बचाउमा उत्रिएका छन्।
1690208734.jpg)
1690208734.jpg)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
