मोहन बस्नेत (फाइल तस्बिर)
काठमाडौं– नेपाली कांग्रेसका केन्द्रीय सदस्य मोहनबहादुर बस्नेतले पार्टीभित्र विधि र विधानको कुरा गर्ने अनि भित्रको कुरा सडकमा पोख्ने गरेर कांग्रेस कमजोर पारिरहेको बताएका छन्। महामन्त्रीद्धय गगन थापा तथा विश्वप्रकाकश शर्मासहितलाई लक्षित गर्दै बस्नेतले आफू नै हुनुपर्ने कुरा केन्द्रमा राखेर अरुको आलोचना गर्ने काम भइरहेको आरोप लगाए।
‘पार्टी विधि र विधानअनुसार चल्नुपर्ने पनि भन्ने अनि सडकमा लगेर पोख्ने कार्यले कांग्रेस बलियो हुन्छ ?’ बस्नेतले भने, ‘जलाई जे मन लाग्यो त्यही अभिव्यक्ति दिँदा पनि भएको छ। कांग्रेस कमजोर गराउने काम निश्चित व्यक्तिबाट भएको छ।’
कहिले कांग्रेस विभाजन हुँदै छ, कहिले कोसँग मिल्दैछ भनेर जिम्मेवार पदाधिकारीबाटै टिप्पणी हुने गरेको भन्दै बस्नेतले यसले कांग्रेस बलियो नबनाउने दाबी गरे।
‘कांग्रेस कमजोर गराउने काम निश्चित व्यक्तिबाट भइरहको छ। बाहिर कोही घण्टी कांग्रेस, कोही राप्रपा कांग्रेस, कोही माओवादी कांग्रेस अनि नेपाली कांग्रेस को हो? ’ उनले भने, ‘कुरा परिर्वतनको, कुरा युवाको गर्ने निर्णय चै आफू केन्द्रित हुनुपर्ने देखिन्छ।’
उनले गुटको अन्त्य गर्ने कुरा चर्को उठेको, तर सबैभन्दा धेरै गुटबाट फाइदा पनि यस्तै कुरा गर्नेहरुले लिएको बस्नेतले दाबी गरे।
‘गुटबाट सवैभन्दा धेरै फाइदा लिने उनीहरु नै छन्। कहिले कुन गुटमा गएको छ। कहिले कता गएको छ। अहिले कतै गुटमा नभएपछि अहिले खारेज हुनुपर्छ भन्न थालियो,’ उनले भने, ‘टिकक बाँड्ने काम आफूले पनि गरे। तर अहिले प्रचार र आलोचना दाइ–भाउजुले टिकट बाँड्ने गरे भनेर भनेर प्रचार गरिएको छ।’
मौका पाउँदा कसैले पनि नछोड्ने भन्दै उनले आफ्नो क्षेत्रमा आफूलाई ठेलेर हराउने उद्देश्यले अर्को क्षेत्रमा पठाएको दाबी गरे।
स्वास्थ्य तथा जनसंख्यामन्त्री समेत रहेका बस्नेतले पार्टीभित्रका नेताहरुबाट आफू मन्त्री भए ठिक अरु हुँदा नहुने कुरा आएको भन्दै मन्त्री र सरकारको काममा पनि यस्तै टिप्पणी भएको बताए।
‘गठवन्धनले यसो गर्यो, उसो गर्यो भनेको छ। हामीले स्थानीय तहमा एक्लै लडेर जितेका छौं? खै कसले यहाँ एक्लै जितेर आएको हो। गठबन्धन नभएको भए कतिले जित हात पार्नसक्थे ?’ उनले भने, ‘गठबन्धन नभएको भए को–को जित्ने थियौं, को–को हार्ने थियौं, समीक्षा गरेर आलोचना गरौँ ।’
हिजो पुष्पकमल दाहाल प्रचण्ड र एमाले अध्यक्ष केपी शर्मा ओली मिल्दा पार्टी नेतृत्वको आलोचना भएको भन्दै आज मिल्दा (गठबन्धन पुन: ब्युँतिदा) पनि आलोचना भएको भन्दै असन्तुष्टि पोखे।
अहिले गठबन्धन भत्काउन खेल पो हो कि? भन्दै उनले केपी ओली पुन: सत्तामा आएमा के होला? भनेर टिप्पणी गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
