काठमाडौं- राष्ट्रिय प्रजातन्त्र पार्टीका अध्यक्ष राजेन्द्र लिङ्देनले जलविद्युत प्रवर्द्धकका हातखुट्टा बाँधेर विद्युत विकास नहुने बताएका छन्। स्वतन्त्र ऊर्जा उत्पादकहरुको संस्था, नेपाल (इप्पान)को नवनिर्वाचित कार्यसमितिलाई बधाई तथा शुभकामना दिँदै अध्यक्ष लिङ्देनले विद्युत विकास बिना अरु क्षेत्रको विकास पनि सम्भव नभएको बताए।
समग्र ऊर्जा क्षेत्रका समस्याको बारेमा आफू जानकार रहेको र इप्पानले उठाएका विषयमा पूर्ण सहमत भएको अध्यक्ष लिङ्देनले बताए।
'केही नेपाल ऐन संसोधनको प्रस्ताव बन्दै गर्दा पनि यस्तो हुनु हुँदैन भनेका थियौं, अब संसोधनका लागि पहल गर्छौ,' लिङ्देनले भने, ‘हातखुट्टा बाँधेर विद्युत क्षेत्रको विकास हुँदैन। यसको विकास नभई अरु केही पनि विकास हुँदैन भन्नेमा यसमा म क्लियर छु।'
कार्यक्रममा इप्पानका अध्यक्ष गणेश कार्कीले बन ऐन २०७६ र वातावरण संरक्षण ऐन २०७६ मा गर्नका लागि संसदमा पेस भएको नेपाल ऐन संसोधन संसद्ले जस्ताको तस्तै पारित गरेमा नेपालमा जलविद्युत र विधुत् प्रसारण लाइन मात्र नभएर कुनै पनि विकास निर्माणका काम हुनै नसक्ने धारणा राखेका थिए।
इप्पानका वरिष्ठ उपाध्यक्ष मोहनकुमार डाँगीले एउटा डाँडाबाट अर्को डाँडामा तार तान्दा २०० मिटर मुनिको सबै जग्गा किन्नुपर्ने नियम कसै गरी पनि व्यावहारिक नभएको बताए।
'२०० मिटर तल कहाँनेर जग्गा पर्छ भन्ने नै अनुमान गर्न सकिन्न। कुनै पनि रुख बिरुवालाई तारले छुँदैन,' डाँगीले भने, 'अनि त्यो जग्गाको पनि सरकारले प्रति हेक्टर न्यूनतम २८ लाख देखि ८० लाख रुपैयाँसम्म तोक्नु भनेको अब प्रसारण लाइन आयोजना र जलविद्युत आयोजना नबनाउ, देश विकास नगर भनेको हो।'
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1786184812.png)
