काठमाडौं- राप्रपा नेपालका अध्यक्ष कमल थापाले आफ्नो पार्टीको अबको गन्तव्य संघीय गन्तव्यको नाममा कायम रहेको भ्रष्ट व्यवस्थाको अन्त्य भएको बताएका छन्। काठमाडौंमा आइतबार आयोजित पार्टी सम्बद्ध संयोजित संगठनहरुको संयुक्त भेलालाई सम्बोधन गर्दै थापाले राप्रपा नेपाललाई परिवर्तनकारी शक्तिको रुपमा स्थापित गर्ने दृढता व्यक्त गरे।
मुलुकको सम्पूर्ण क्षेत्र राजनीतिकरणको चपेटामा परेको भन्दै थापाले भ्रष्टाचाररुपी महारोगले मुकुकको सबै अङ्गलाई क्षतबिक्षत पारेको समेत बताए। विदेशी हस्तक्षेप र प्रभाव नाङ्गो रुपमा बढेर गएको, बेरोजगारी समस्या र धर्म परिवर्तनको डढेलोबाट मुकुक आक्रान्त भएको चर्चा गर्दै थापाले न्यायालय जस्तो पवित्र ठाउँप्रति समेत जनताको भरोसा टुट्दै जानु बिडमवबनापूर्ण भएको विचार व्यक्त गरे।
थापाले काण्डै-काण्डको पिरामिडमाथि खडा भएको अहिलेको राज्य प्रणालीले प्रजातन्त्रको संरक्षण, राष्ट्रिय स्वाधिनताको रक्षा र आर्थिक समृद्धिको सपना पूरा गर्न नसक्ने भन्दै मुलुक जोगाउने हो भने अब विकल्पमा जान ढिला गर्न नहुनेमा जोड दिए।
भेलाले आगामी साउन ५ गते राप्रपा नेपाल आबद्ध संयोजित संगठनहरुको आयोजनामा विरोध प्रदर्शन गर्ने निर्णय समेत गरेको कार्यक्रमका सभापति नेपाल ट्रेड युनियन महासंघ (टुकोन)का अध्यक्ष हिक्मतजङ्ग भण्डारीले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768562480.png)
-1768557442.png)
-1764146706.png)
-1768395492.png)
