सरकारले तोक्यो धानको मूल्य, यी हुन् मन्त्रिपरिषदका १५ निर्णय

अर्थ समाचार

नेपाल लाइभ बिहीबार, असार २८, २०८० १७:२०

काठमाडौं- सरकारले धानको समर्थन मूल्य तोकेको छ।

असार २६ गते बसेको मन्त्रिपरिषदको बैठकले धानको मूल्य तोकेको हो। सरकारले मोटा धानको प्रति क्विन्टल ३१ सय ९८ र मध्यम धानको प्रति क्विन्टल ३३ सय ६२ रुपैयाँ तोकेको छ।

आर्थिक वर्ष २०८०/८१ का लागि सरकारले धानको मूल्य तोकेको हो।

नयाँ मूल्यअनुसार मोटा धान प्रतिक्विन्टल ३३० रुपैयाँ र मध्यम धानको मूल्य २३४ रुपैयाँले बढेको छ।

गत वर्ष सरकारले मोटा धान प्रतिक्विन्टल २ हजार ९६७ र मध्यम धानको प्रतिक्विन्टल मूल्य ३ हजार १२८ रुपैयाँ तोकिएको थियो।

आर्थिक वर्ष २०७८/७९ मा मोटा धानको समर्थन मूल्य प्रतिक्विन्टल २ हजार ७५२ र मध्यम धानको मूल्य प्रतिक्विन्टल २ हजार ९०२ रुपैयाँ थियो। गत वर्ष सरकारले ढिला गरी १६ कात्तिकमा धानको सर्मथन मूल्य तोकेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

महिला टी–२० सिरिजः आज थाइल्याण्ड र नेदरल्याण्डस भिड्दै

प्रतिनिधिसभा बैठक बस्दै, यस्तो छ कार्यसूची

आजको मौसमः तराईमा हुस्सु र कुहिरो, पहाडका केहि भागमा सामान्य बदली