काठमाडौं– काठमाडौं महानगरपालिकाका मेयर बालेन्द्र शाह (बालेन)ले सरकारी स्केलअनुसार तलब नपाए महानगरमा सम्पर्क राख्न निजी शिक्षण संस्था तथा विद्यालयका शिक्षकहरुलाई आग्रह गरेका छन्।
महानगरपालिका क्षेत्रका संस्थागत (निजी) विद्यालयका शिक्षकहरुको तलब सामुदायिक (सरकारी) विद्यालयका शिक्षकहरुको भन्दा न्यून रहेको गुनासो आउने गरेको भन्दै बालेनले सरकारले तोकेको भन्दा कम तलबस्केल भए महानगरमा सम्पर्क राख्न अनुरोध गरेका हुन्।
काठमाडौं महानगरपालिका विद्यालय शिक्षा व्यवस्थापन नियमावली, २०७४ को नियम ६८ मा शिक्षक तथा कर्मचारीको तलब भत्ता, निवृत्तिभरण, उपदान लगायतका अन्य सुविधा खाइपाइ आएकोमा नघट्ने गरी संघीय शिक्षा कानुनमा तोकिए बमोजिम हुने उल्लेख गरिएको बताउँदै बालेनले सरकारले तोकेको भन्दा कम तलब भए सम्पर्क राख्न भनेका हुन्।
बालेनले सामाजिक सञ्जालमा एक सन्देश साझा गर्दै शिक्षकहरुका लागि सरकारले तोकेको तलबस्केल समेत उल्लेख गरेका छन्। काठमाडौं महानगरपालिकाका सामुदायिक विद्यालयका शिक्षकहरूले प्राप्त गर्ने अनुसारको तलब सुविधा संस्थागत विद्यालयका शिक्षकलाई पनि प्राप्त गराउन बालेनले सूचित गराएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1772936454.png)
-1772926073.png)
-1764146706.png)
