ओखलढुंगा– अविरल वर्षासँगै आएको पहिरोले घर पुरिँदा ओखलढुंगामा मृत्यु हुनेको संख्या ४ पुगेको छ। यसअघि पहिरोमा बेपत्ता भएका २ जनाको पनि शव फेला परेपछि मृतकको संख्या ४ पुगेको हो।
बिहीबार राति जिल्लाको चम्पादेवी गाउँपालिका–८ विलन्दुका ३६ वर्षीय रणबहादुर गुरुङको घर पहिरोले पुरिँदा गुरुङसँगै उनकी २९ वर्षीया श्रीमती शिवमायाको मृत्यु भएको थियो। गुरुङका १० वर्षीय छोरा दिनेश र १८ महिनाकी छोरी कृतिका पहिरामा परी बेपत्ता भएका थिए।
जिल्ला प्रहरी कार्यालय ओखलढुंगाका प्रहरी निरीक्षक देवेन्द्र दासले बेपत्ता दिनेश र कृतिकाको पनि शव फेला परेको जानकारी दिए।
बिहीबार राति करिब ११ बजेको समयमा बस्ती माथिबाट आएको पहिरोले गुरुङसँगै स्थानीय बलबहादुर गुरुङ र जरसिंह गुरुङको घर पुरिएको छ।
बलबहादुर र जरसिंहको घरमा बस्दै आएकाहरु भने भागेर ज्यान जोगाउन सफल भएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786801196.jpg)
-1786602170.png)
