काठमाडौं– कृषि तथा पशुपंक्षी विकासमन्त्री डा वेदुराम भुसालले सरकारले फलफूल उत्पादन र खरिद गर्ने क्षमता नराख्ने बताएका छन्।
बिहीबार प्रतिनिधि सभा अन्तर्गतको कृषि समितिको बैठकमा बोल्दै मन्त्री भुसालले यस्तो बताएका हुन्। उनले सरकारले नेपालमा फलफूल उत्पादन र उत्पादन खरिद गर्नुपर्ने कुरा उठे पनि सरकारले खरिद गर्न नसक्ने बताएका हुन्।
सरकारले उत्पादन खरिद गर्ने भए व्यापार गर्नुपर्ने बताए। सरकारले व्यापार नगर्ने भन्दै व्यापार गर्न सम्भव नरहेको उनको भनाइ छ।
मन्त्री भुसालले सरकारले उत्पादित वस्तुको समर्थन मूल्य तोक्ने काम मात्रै गर्नसक्ने बताए। उनले सरकारले खाद्य व्यवस्था तथा व्यापार कम्पनीले केही वस्तु बिक्रीवितरण गरिरहेको भन्दै क्षमताभन्दा बाहिर काम गर्न नसक्ने दाबी गरे।
मन्त्री भुसालले सरकारले खारेज गरेको दुग्ध विकास बोर्ड र कपास विकास समितिका विषयमा छलफल भइरहेको बताए। कृषि तथा पशुपक्षी विकास मन्त्रालयबाट खारेज हुनुपर्छ भन्ने प्रस्ताव नगरे्को उनको भनाइ छ।
उनले रासायनिक मल निजी क्षेत्रलाई गुणस्तरीयताको ग्यारेन्टी र अनुदान दिने निश्चितता नभएसम्म निजी क्षेत्रलाई दिन नसकिने बताए। उत्पादन वृद्धि गर्न किसानलाई अनुदान चाहिन्छ भन्ने र निजी क्षेत्रलाई मल आयात गर्न दिँदा किसानले अनुदान पाउन नसक्ने उनको भनाइ छ।
मन्त्री भुसालले कालिमाटी तरकारी बजारमा टमाटर किसान वा व्यापारी कसले फालेको हो भन्ने कुराको छानबिन गर्ने बताए। टमाटार किसानले नभएर राजनीतिक प्रेरित भएर फ्याँकिएको उनले दाबी गरे।
उनले कालिमाटी तरकारी बजारमा टमाटर राजनीतिक प्रेरित भएर फालिएको शंका रहेको बताए। कृषि मन्त्रालयसँग अघिल्लो दिन एक खालको सहमति गर्ने भोलिपल्टै उल्टो काम भएकाले शंका रहेको उनको भनाइ छ।
मन्त्री भुसालले कालिमाटीको फलफूल तथा तरकारी बजार व्यवस्थापन समिति बैठक बसेर बजार व्यवस्थित गर्न,टमाटरको मूल्यमा किसानबाट खरिद गर्ने मूल्य र उपभोक्ताले किन्ने मूल्यको बीचको अन्तर घटाउन र बजारमा किसानसँग खरिद गर्ने,थोक बिक्री गर्ने मूल्य र खुद्रा बिक्री मूल्य टाँस्न निर्देशन दिएको बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1772284174.png)
-1764146706.png)
-1772271039.png)
