काठमाडौं– साफ च्याम्पियनसिप पुरुष फुटबल प्रतियोगिताको उद्घाटनमा नेपाल र कुवेतबीचको खेल सुरु भएको छ।
नेपालले हालसम्म कुवेतलाई पराजित गर्न सकेको छैन तर यस पटक उक्त रेकर्ड कायम राख्ने लक्ष्यका साथ नेपाल मैदानमा उत्रेको छ।
भारतको बैंग्लुरुमा भइरहेको खेलमा नेपालले पहिलो खेलमै बलियो प्रतिस्पर्धी पाएको हो। नेपाल र कुवेतबीचको खेलको भारतको बैंग्लुरुस्थित श्री कांतिराव स्टेडियममा सुरु भएको हो।
साविकको उपविजेता रहेको नेपालले पहिलो खेलमै बलियो टोली कुवेतसँग प्रतिस्पर्धा गर्न लागेको हो। विश्व फुटबल महासंघ (फिफा) को पछिल्लो वरीयतामा नेपालभन्दा कुवेत ३१ स्थान अगाडि छ।
नेपाल १७४ औं स्थानमा रहँदा कुवेत १४३औं स्थानमा छ। कुवेतसँग नेपालले अहिलेसम्म ९ खेल खेलेको छ। जसमध्ये ८ खेलमा कुवेत विजयी भएको छ भने १ खेल बराबरीमा सकिएको छ।
पछिल्लोपटक सन् २०२२ को जुनमा एसिया कप छनोटको तेस्रो चरणमा कुवेतले नेपाललाई ४–१ ले पराजित गरेको थियो।
नेपालको सुरुवाती–११ मा कप्तान तथा गोलरक्षकको भूमिकामा किरण लिम्बू यथावत छन्।
अनन्त तामाङ, रोहित चन्द, सनिश श्रेष्ठ र विमल पाण्डेले डिफेन्स समाल्ने छन्। फ्रन्ट लाइनमा नवयुग श्रेष्ठ, मनिष डाँगी र अन्जन विष्ट छन्।
मिडफिल्डमा लकेन लिम्बू, पुजन उपरकोटी र एरिक विष्ट छन्। साफ च्याम्पियन्ससिप प्रतियोगिता आज (बुधबार)देखि भारतमा सुरु हुँदैछ। १४औं संस्करणको साफको पहिलो खेलमा नेपालले आमन्त्रित टिम कुवेतसँग प्रतिस्पर्धा गर्दै छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786801196.jpg)
-1786602170.png)
