गण्डकी प्रदेश सरकारले ल्यायो ३३ अर्बको बजेट (पूर्ण पाठ)

राजनीति

नेपाल लाइभ शुक्रबार, असार १, २०८० १८:१०

काठमाडौं- गण्डकी प्रदेश सरकारले आर्थिक वर्ष २०८०/८१ का लागि ३३ अर्बको बजेट ल्याएको छ। अर्थमन्त्री जितप्रकाश आले मगरले शुक्रुबार आउँदो आर्थिक वर्षका लागि ३३ अर्ब रुपैयाँको बजेट सार्वजनिक गरेका हुन्।

यो बजेट चालु आवको भन्दा कम हो। संघीय सरकारले नै अनुदानहरु कटौती गरेकाले प्रदेशको बजेट आकार घटेको हो।

प्रदेश सभामा अर्थमन्त्री आलेले कुल बजेट ३३ अर्ब ४२ करोड ७२ लाख रुपैयाँको विनियोजन विधेयक पेस गरे। त्यस्तै बजेटले चालु खर्च १२ अर्ब १३ करोड ६७ लाख ३८ हजार अर्थात् ३८.०१ र पुँजीगततर्फ २० अर्ब १९ करोड पाँच लाख ६२ हजार अर्थात् ६०.०४ प्रतिशत बजेट विनियोजन गरेको छ।

अर्थमन्त्री आलेका अनुसार वित्तीय व्यवस्थातर्फ ५० करोड छुट्याइएको छ। सरकारले बजेटको स्रोतको रूपमा संघबाट आएको अनुदानलाई आधार मानेको छ। समानीकरण अनुदानमार्फत सात अर्ब ६२ करोड २५ लाख, राजस्व बाँडफाँट ९ अर्ब पाँच करोड २५ लाख, रोयल्टी बाँडफाँट ४० करोड आठ लाख, सशर्त चार अर्ब ९४ करोड १५ लाख, समपुरक अनुदान ८४ करोड र विशेष अनुदान ७० करोड प्राप्त हुने उनले बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अर्थ मन्त्रालयका सहसचिवहरुको जिम्मेवारी हेरफेर

ट्रम्प प्रशासनद्वारा युएसएआईडीका प्रमुख निरीक्षक बर्खास्त

पहिले पनि त्यस्तो घटना घटिसकेको अनुभूति अर्थात् डेजा भु: भूत, वर्तमान, कि भ्रम?