अर्थमन्त्रीको स्पष्टीकरण– करका दरको हेरफेरको जिम्मा लिन्छु, बिचौलियालाई छेउछाउमा पनि आउन दिएको छैन

अर्थ समाचार

नेपाल लाइभ मंगलबार, जेठ २३, २०८० १४:५५

काठमाडौं– अर्थमन्त्री डा प्रकाशशरण महतले बजेट निर्माण प्रक्रियामा करको दर हेरफेर गर्ने काम अधिकार प्राप्त पादाधिकारीको निर्देशनमा भएको दाबी गरेका छन्। अर्थमन्त्री महतले करका दरमा भएको हेरफेरका सन्दर्भमा आफूले जिम्मेवारी लिने पनि बताएका छन्।

करको दर हेरफेर प्रकरणमा १ जना पूर्व नायव सुब्बाको संग्लनता भएको समचार सार्वजनिक भएपछि प्रतिनिधि सभाको मंगलबारको बैठकमा अर्थमन्त्री महतको जवाफ माग भएको थियो।

प्रमुख प्रतिपक्षी एमालेसहित विपक्षी दलहरु राष्ट्रिय स्वतन्त्र पार्टी र राष्ट्रिय प्रजातन्त्र पार्टीका सांसदले माग जवाफ माग गरेको सन्दर्भमा अर्थमन्त्री महतले यस्तो स्पष्टीकरण दिएका हुन्।

अर्थमन्त्रालयबाट केहि वर्ष अघि निवृत्त भएका नायव सुब्बा रामकृष्ण श्रेष्ठलाई करका दर हेरफेर गर्न लगाएको भन्ने विषय सार्वजनिक भएपछि उक्त विषयले चर्चा पाएसँगै मन्त्री महतले जावफ दिएका हुन्।

‘विषयमा विज्ञता भएको हुनाले यो कुरा उहाँसँग गरियो र उहाँ चाहिँ आधिकारिक रुपमा कर्मचारीको रुपमा सहयोगीको भूमिका निर्वाह गर्नु भएको हो। यो निर्णय प्रक्रियामा उहाँ हुने त कुरै भएन। निर्णय प्रक्रियामा उहाँ कहीँ हुनुहुन्न। निर्णय गरिसकेपछि निर्णय प्रक्रियामा बसेकै पदाधिकारीको निर्देशनमा इन्टर गर्ने काम मात्र हो,’ मन्त्री महतले भने।

मन्त्री महतले बिचौलियाहरुलाई आफ्नो छेउछाउमा पनि आउन नदिएको दाबी गरे।
महतले भने, ‘यो चलखेल भयो कि भन्ने कुरा आएको छ। विचौलियाको कुरा आएको छ। विचौलियालाई त मैले छेउछाउमा पनि आउन दिएको छैन।’

अर्थमन्त्री महतले विभिन्न क्षेत्रबाट सुझाव लिएको बताउँदै समग्र रुपमा विश्लेषण गर्दै करको दरलाई वैज्ञानिक बनाउन लागेको दाबी गरे। उनले करमा छुट दिँदा दिँदै राजस्व कम उठेको बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सामाजिक सञ्जाल विधेयक फिर्ता नलिए संघर्षमा उत्रिने चेतावनी

सिंहदरबारमा दुईवटा संसदीय समितिको बैठक बस्दै

जनताको अवस्था बदल्ने कार्यभार पूरा भइसकेको छैन– प्रचण्ड