काठमाडौं– अमेरिकी बहुराष्ट्रिय प्रविधि कम्पनी एप्पलले अगमेन्टेड रियालिटी हेडसेट ‘भिजन प्रो’ लञ्च गरेको छ। यो एप्पलले पछिल्लो दशकमा लञ्च गरेको एउटा अर्को हार्डवेयर पनि हो।
भिजन प्रोबारे एप्पलका सीईओ टिम कुक भन्छन्, ‘यो नयाँ हेडसेटले भर्चुअल वर्ल्ड र वास्तविक दुनियालाई धेरै सरलतासँग जोडिदिन्छ।’
प्रविधि क्षेत्रको शीर्ष कम्पनी एप्पलले आफ्नो आईफोनका लागि नयाँ अपरेटिङ सिस्टम र म्याकबूक एयर ल्यापटपका लागि अपडेट पनि पेस गरेको छ।
एकपटक चार्ड गर्दा २ घण्टासम्म चल्ने यो हेडसेटको मूल्य ३ हजार ४९९ डलर अर्थात् करिब ४ लाख ६० हजार नेपाली रुपैयाँ तोकिएको छ। यसलाई आगामी वर्षको सुरुवातमा अमेरिकी बजारमा उतारिनेछ।
एप्पलको यो हेडसेटको मूल्य बजारमा पहिलेदेखि नै रहेका यस्तै प्रकारका अन्य हेडसेटभन्दा कयौं गुणा बढी हो। पछिल्लो हप्ता मात्रै मेटाले आफ्नो हेडसेट ‘क्वेस्ट’ सार्वजनिक गरेको छ, जसको मूल्य ४४९ डलर अर्थात् करिब ६५ हजार रुपैयाँ राखिएको छ।
एप्पलले जेनेरेटिभ आर्टिफिसियल इन्टेलिजेन्सको बारेमा धेरै अधिक जानकारी दिएको छैन। यो नयाँ प्रविधि यो समय सिलिकन भ्यालीमा चर्चाको केन्द्रमा छ।
क्यालिफोर्नियाको क्युपर्टिनोस्थित कम्पनीको मूख्यालय एप्पल पार्कमा यो घोषणाको समयमा कम्पनीको शेयरमा केही गिरावट आएको थियो।
एप्पलको भिजन प्रो बजारमा रहेका यस्तै अन्य हेडसेटभन्दा केही अलगत छ। हेर्दा यो डिभाइस भर्चुअल रियालिटी हेडसेट भन्दापनि स्किइङ गगल्स बढी देखिन्छ। एप्पलले यो नयाँ डिभाइसको विवरण दिँदै ‘अगमेन्टेड रियालिटी’को प्रयोग गरेको छ।
‘अगमेन्टेड रियालिटी’ अर्थात् सम्बर्धित वास्तविकता एउटा यस्तो प्रविधि हो, जसमा हाम्रो आसपासको दुनियामा भर्चुअल चिजहरु राखिन्छ। यस्तोमा एक स्क्रिनको माध्यमबाट हेर्दा मिल्दोजुल्दो वास्तविकता देखिन्छ, जसमा वास्तविक चिजका अतिरिक्त भर्चुअल चिज पनि हुन्छन्।
युजर एउटा भर्चुअल दुनियामा फिल्म देख्न सक्छन्, एपको प्रयोग गर्न सक्छन् या दस्ताबेज लेख्न सक्छन्। तर अहिलेसम्म यस्तो प्रकारको प्रविधिको लागि कुनै ठूलो बजारको उपलब्धताको प्रमाण भने छैन।
एप्पलका सीईओ टिम कुक यो डिभाइसको विशेषताबारे चर्चा गर्दै भन्छन्, ‘यो हेडसेटले मानिसलाई डिजिटल कन्टेन्ट यस प्रकारले हेर्न, सुन्न र इन्टरएक्ट गर्ने मौका दिन्छ जुन त्यो उनीहरुको वास्तविक दुनियाको हिस्सा हो।’
यो डिभाइलाई हात, आँखा तथा आवाजबाट नियन्त्रित गर्न सकिने कम्पनीले जनाएको छ। उदाहरणका लागि, हातको औंला छुँदा वा हल्लाउँदा कन्टेन्टलाई स्क्रोल गर्न सकिन्छ।
मेटा तथा लेनोभोले पहिलेदेखि नै बजारमा रहेका भर्चुअल रियालिटी हेडसेटको नयाँ संस्करण सार्वजनिक गरेको हप्तादिनपछि मात्रै एप्पलले यो घोषणा गरेको हो। मेटा तथा लेनोभोका हेडसेट वास्तविक दुनियाका दृश्यमा कुनै भर्चुअल अब्जेक्टलाई मिसाउँदैनन्।
मेटाले पनि मिश्रित वास्तविकताको क्षेत्रमा वास्तविक लगानी त गरेको छ, तर अहिलेको समयमा यो क्षेत्र संघर्षकै चरणमा छ। इन्टरनेशनल डेटा कर्पोरेशनका अनुसार हेडसेटको बजारमा पछिल्लो वर्ष ५४ प्रतिशत गिरावट आएको थियो। एजेन्सीहरुको सहयोगमा
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1773072269.png)
-1773054140.png)
-1773053162.png)
-1764146706.png)
-1772777462.png)
