राजनीति

भारतीय संसद्‌मा राखिएको ‘अखण्ड भारत’को नक्साबारे नेपाललाई जानकारी छैन: परराष्ट्रमन्त्री

नेपाल लाइभ सोमबार, जेठ २२, २०८० ०६:०८

एनपी साउद (फाइल तस्बिर)

काठमाडौं– परराष्ट्रमन्त्री एन पी साउदले भारतको नयाँ संसद् भवनमा राखिएको अखण्ड भारतको मुराल नक्साको बारेमा नेपाललाई जानकारी नरहेको बताएका छन्।

भारतीय टिभि आजतकलाई दिएको एक अन्तर्वार्तामा मन्त्री साउदले नक्साबारे नेपाल जानकारीबिहीन रहेको र उक्त विषयमा प्रधानमन्त्री पुष्पकमल दाहाल प्रचण्डको भारत भ्रमणको क्रममा सभकक्षी नरेन्द्र मोदीसँग कुनै छलफल नभएको बताएका छन्।

‘यो मुराल नक्साको मामिला हामीलाई जानकारी नै छैन। जुन कुरा हामीलाई थाहा छैन उक्त विषय नेपालले उठाउन जरूरी नै छैन,' मन्त्री साउदले भनेक छन्।

यद्यपि मन्त्री साउदले फेसबुकतिर भने एउटा तस्बिर देखेको भनेर स्विकारेका छन्।

‘यो सिमानाको कुरा पनि हैन। आजभन्दा २५ सय वर्ष अघिका गणराज्यहरु अंगित तस्बिर फेसबुकतिर आएको छ। त्यसकारण यस बिषयमा हम्रो कुनै छलफल भएन,’ मन्त्री साउदले भनेका छन्।

यो पनि पढ्नुहोस

प्रचण्डको भ्रमण अगाडि ‘अखण्ड भारत’ को विवाद– भारतीय संसद्‌मा राखिएको नक्साको अभिप्राय के हो?

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

विद्युतीय व्यापार विधेयकसम्बन्धी समितिको प्रतिवेदन पेस

रवि लामिछानेको निलम्बन फुकुवा गर्न रास्वपाको माग

यी हुन् केयूको उपकुलपतिका लागि आवेदन दिने २० जना