संघीय संसद्‌मा बजेटमाथि छलफल सुरु हुँदै

अर्थ समाचार

नेपाल लाइभ आइतबार, जेठ २१, २०८० ०८:०९

काठमाडौं– आगामी आर्थिक वर्ष २०८०/०८१ का लागि सरकारले ल्याएको आय तथा व्ययको वार्षिक अनुमान (बजेट)माथि संघीय संसद्‌मा छलफल हुने भएको छ। संघीय संसद् (प्रतिनिधि सभा र राष्ट्रिय सभा)को जेठ १५ गतेको संयुक्त बैठकमा अर्थमन्त्री प्रकाशशरण महतले आगामी आवको बजेट प्रस्तुत गरेका थिए।

आइतबार प्रतिनिधि सभा र राष्ट्रिय सभाको बैठक बस्दै छ। प्रतिनिधि सभाको बैठक बिहान ११ बजे र राष्ट्रिय सभाको बैठक दिउँसो १ बजे बस्ने कार्यसूची छ।

प्रतिनिधि सभाको आइतबारको बैठकका सम्भावित ३ वटा कार्यसूची छन्। बैठकमा अर्थमन्त्री महतले वक्तव्यसहित ‘आर्थिक वर्ष २०८०/०८१ को राजस्व र व्ययको वार्षिक अनुमानमाथि सामान्य छलफल प्रारम्भ गरियोस्’ भन्ने प्रस्ताव पेस गर्नेछन्।

अर्थमन्त्रीले प्रस्ताव पेस गरेपछि आर्थिक वर्ष २०८०/०८१ को राजस्व र व्ययको वार्षिक अनुमानमाथि सामान्य छलफल प्रारम्भ हुनेछ।

यस्तै, आइतबारको बैठकमा शोक प्रस्ताव समेत प्रस्तुत हुने कार्यसूची छ। नेपाली कांग्रेसकी नेता तथा पूर्व महिला, बालबालिका तथा समाजकल्याण राज्यमन्त्री मीना पाण्डेको निधनमा सभामुख देवराज घिमिरेले शोक प्रस्ताव प्रस्तुत गर्नेछन्।

२०४८ तथा २०५१ सालको निर्वाचनमा प्रतिनिधि सभा सदस्य तथा २०७४ सालको निर्वाचनमा संविधान सभा सदस्य र २०७४ सालको निर्वाचनबाट प्रतिनिधि सभा सदस्यमा निर्वाचित भएकी पाण्डेको ७२ वर्षको उमेरमा जेठ १६ गते निधन भएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

विद्युतीय व्यापार विधेयकसम्बन्धी समितिको प्रतिवेदन पेस

रवि लामिछानेको निलम्बन फुकुवा गर्न रास्वपाको माग

यी हुन् केयूको उपकुलपतिका लागि आवेदन दिने २० जना