काठमाडौं– अर्थमन्त्री डा प्रकाशशरण महतले राजश्व संकलन कम भएको भन्दै यसलाई संरचनागत परिर्वतन गर्नुपर्ने आवश्यकता देखिएको बताएका छन्।
उनले आगामी आर्थिक वर्ष २०८०/०८१को बजेट प्रस्तुत गर्दै बजेटको लक्ष्य हासिल गर्नु चुनौतीपूर्ण भएको बताए। उनले मुल्यवृद्धि ,अमेरिकी डलरको मूल्यांकन लगायतले चुनौती भएको बताए।
अर्थमन्त्री महतले सरकार अर्थतन्त्रलाई लयमा फर्काउन दृढ रहेको पनि दाबी गरे। उनले भारत र चीनको अर्थतन्त्रमा आएको सुधारको प्रभाव नेपालमा पनि पर्ने उनले बताए।
आयोजनाको प्राथमिकता निर्धारण नगरी स्रोत छर्ने कार्य भएको उनको भनाइ छ। मन्त्री महतले राजश्व संकलन लक्ष्यभन्दा कम भएको भन्दै यसलाई वृद्धि गर्नुपर्ने महशुस भएको बताए।
उनले राजश्व संरचनामा परिर्वतन गर्नुपर्ने देखिएको बताए। निजी क्षेत्रको आशातित लगानी नभएको र वैदेशिक लगानी पनि चाहे जति हुन नसकेको मन्त्री महतले बताए। उनले आगामी दिनमा राजश्व संकलन सुधार हुने पनि बताए। उनले केही आयातमा रोक लगाएको कार्य खुलेपछि राजश्व संकलनमा वृद्धि हुने दाबी गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1779545841.jpg)
-1764146706.png)
